Габор Дори: Унгарија му помага на Груевски под притисок од Русија

Унгарија му помага на поранешниот македонски премиер Никола Груевски под притисок од Русија. Ова беше објавено во интервју за Бугарското национално радио oд Габор Дори од Институтот за политички решенија во Будимпешта, пренесуваат бугарските медиуми.

Според Дори, пријателството меѓу Груевски и унгарскиот премиер Виктор Орбан е уште една причина зошто поранешниот македонски лидер се крие во Будимпешта. Тој рекол дека јавното мислење е поделено, бидејќи медиумите под контрола на владата не посветувале многу внимание на случајот, додека опозицијата направи сериозна критика.

Loading...

„Причината, на одлуката да му се дозволи на Груевски влез во Унгарија не одговара на официјалната политика во однос на бегалците. Тие гледаат лицемерен однос и спроведување на оваа политика само во случаите за кои Владата процени и врз основа на личните односи на премиерот со друг човек“, коментира аналитичарот пред БНР.

Груевски кој се соочува со затвор за злоупотреба на службената должност, кој доминираше Македонија во текот на речиси деценија до 2016 година, објави во “Фејсбук” во вторникот објави дека бара политички азил во Унгарија.

Груевски е осуден на затвор во а судот во Скопје ја потврди пресудата во октомври. Тој исто така се соочува со голем број на други обвиненија за корупција, злоупотреба на службената должност, изборни измами, како и незаконско прислушување.

Груевски требаше да го почне издржувањето на двегодишната затворска казна за купување на службениот “Мерцедес” за сума над 650 000 евра, додека беше премиер.

Бугарските власти потврдија дека Груевски не е бугарски државјанин и не барал документи за бугарско државјанство, откако “Телма” соопшти дека поранешниот македонски премиер најверојатно избегал во Унгарија со бугарски пасош.