Легендата на народната музика Шабан Шаулиќ пред два дена, во раните утрински часови загина во тешка сообраќајна несреќа, а во автомобилот со него бил и музичарот Мирсад Кериќ кој управувал со возилото, како и кумот на Шаулиќ, Слободан Стојадиновиќ.
Молк и тага на Дедиње во семејниот дом на Шаулиќ. Колеги, пријатели, роднини… доаѓаат за да изразат сочувство на неутешната вдовица Гордана и ќерката Илда кои се во Белград, додека синот Михајло и Санела уште се во Германија каде чекаат да го превземат телото на пејачот.
Рано изутринава пристигнала Данијела Мандиќ, девојката на Михајло која се грижи за Гордана и Илда.
Во домот пристигнал и Аца Лукас со ќерката Софија за да изрази сочувство, но од болка не можел да зборува за новинарите за српски „Курир“.
Да изјави сочувство дошол и Хасан Дудиќ, како и фудбалската легенда Владимир Петровиќ Пижон и Бошко Ѓуровски.
Пејачката Зорица Брунцлиќ откако слушнала за трагедијата не се одвојува од кумата Гордана и ја теши деноноќно.
