Најпрвин беше манекенка. Потоа стана фитнес инструкторка. Пред неколку месеци реши да се проба и како пејачка. Нејзиното име е Кристина Димитријовска, односно поранешната сопруга на Даниел Кајмакоски.
Според она што го објавува на социјалните мрежи, нашата балканска убавица, не мирува.
Ако не е во теретана, тогаш е на некоја ревија, фотосесија, снимање спот…Но, изминатиот викенд имаше нешто многу поважно од сето тоа – роденденот на синчето Давид кое наполни три години и веќе е потпораснато детенце.
Мама Кристина со своите следбеници сподели неколку фотографии од овој важен ден, но не откри дали на роденденот бил и тато Даниел.
Меѓу многуте фотографии Кристина сподели и една неочекувана фотографија и со тоа откри од кого ја наследила убавината.
-Мојата мајка, пишува Кристина во обисот на фотографијата каде позира убавата мама.
Инаку Кристина неодамна проговори за периодот за време и по разводот со Даниел. Еве што изјави:
„Ќе излажам ако кажам дека не ми беше тешко по разводот, кога некого сакаш и нешто не успеало нормално дека ти е тешко, но се е за луѓе“– во својата прва изјава по разводот од поп пејачот Даниел Кајмакоски, тврди моделот Кристина Димитриевска (23), во интервју за естрадниот магазин „Бекстејџ”.
Кајмакоски често објавуваше фотографии од семејната идила, па затоа на почетокот од минатата година, веста дека ставиле крај на бракот, ја изненади јавноста.
-Сфатив дека никој нема да дојде дома и да ми каже, ајде стани, туку мораш самиот да имаш јака психа и да продолжиш понатаму. Беше тоа долг период на затвореност, не сакав да комуницирам со никого, поминав депресивен период, но важно е каде сме сега.
После разводот вежбањето е тоа што ме врати назад, што ми ја врати целата енергија, раскажа тогаш Димитриевска за „Бекстејџ”.
Сега пак, после една година од разводот, Кристина многу посмирено одговара на сите прашања:
-На големо се шушка дека си нашла нова љубов и имаш дечко. Колку вистина има во сето ова, ја праша водителката:
-Не, тоа не е вистина. Засега нема никој во мојот живот и искрено се смеам на ваквите написи. Но тоа не значи дека ќе остане засекогаш така, нагласи Димитриевска.
На прашањето каков е односот со поранешниот сопруг, Кристина одговара:
-Со Даниел имаме супер коректни односи. Ние сме сега пријатели, како и што бевме порано, пред да се вљубиме. Се случи тоа што се случи и сега нашето синче е она што не поврзува.
Се слушаме многу често, најчесто поради Давид, но знаеме да си се јавиме еден на друг и онака, да прашаме како си.
На прашањето кој и помага во обврските околу детето, со оглед на тоа што таа има ангажмани во професијата, Кристина ја истакнува помошта од нејзиното семејството, особено мајка и, која му е како втора мајка на Давид.
-Брат ми и син ми се како другари. Позната е таа конекција со вујче. Навистина сум пресреќна што имам вакво семејство кое во сè ме поддржува, вели Димитриевска.
