Пејачот Здравко Чолиќ 40 години важи за најголем заводник на просторите на пранешна Југославија.
Популарниот Чола е среќно оженет со Александра веќе 16 години.
Но, љубовниот живот на пејачот пред Александра бил навистина бурен.
Тој изјавил дека негова прва љубов била актерката Јасна Орнели Бери, а за нивниот однос говорела и самата таа и рекла дека многу млади се заљубиле во Сараево.
По 16 години брак, и 28 години врска, јавноста конечно ја виде сопругата на музичката ѕвезда Здравко Чолиќ. Фотографијата од таинствената Александра ја објавија голем број на медиуми од целиот регион, а многу на обожавателки на пејачот коментираат на социјалните мрежи дека се изненадени, бидејќи со оглед на неговата популарност кај понежниот пол, очекувале покрај него да видат атрактивна секс бомба, додека неговата сопруга изгледа доста скромно и сосема поразлично од моделите во неговите спотови.
Александра, со која што пејачот ги има ќерките Уна (15) и Лана (10) отсекогаш била енигма за обожавателите на Чолиќ. Со години наназад тој вешто ги избегнува новинарските прашања околу семејството и приватниот живот, и јавноста беше изненадена кога пред две години во спотот за неговата песна ,,Есма’’ се појави неговата постара ќерка Уна, заедно со нејзини другарки.
Сепак, големиот балкански срцекршач и миленик на женската публика досега само неколкупати во јавност прозборел за сопругата.
Пред две години во интервју за хрватски медиум изјави како неговата сопруга била нападната со нож од негова обожавателка и поминала со лесни повреди, а пред тоа исто така за хрватското списание ,,Стори’’ откри дека Александра го познава многу добро, ја разбира неговата работа и премногу не се меша во неговата кариера бидејќи е окупирана со децата.
За заработката на најголемиот пејач на Балканот, Здравко Чолиќ се шпекулирало секогаш. Меѓутоа, тој за првпат откри на јавноста колку пари всушност заработува.
Во неговата богата кариера, Чолиќ има одржано стотици концерти. Покрај пеењето, тој се занимава и со компонирање, а на прашање од медиумите, колку пари заработил минатата година од „Сокој“ (Агенција за авторски права), легендата на Југословенската сцена одговорил:
– Помеѓу четири и пет илјади динари. Можеби повеќе би добил како автор, но некои телевизии и радиостаници не му доставуваат кошулица на „Сокој“. Повеќе добивам за изведувачки права, односно заработувам малку повеќе од авторскиот дел. Што е сосема нормално, изјавил познатиот пејач.
Сите очекуваа милионски суми за оваа намена, но се шокираа кога дознаа колку навистина заработува Чолиќ.
