Телевизијата Вести Крим објави снимка од надзорните камери кои го забележале моментот кога Владислав Росљаков ги нападна студентите и вработените во Политехничкото училиште во Керч на Крим.
На снимката се гледа како Росљаков поминува до зградата на образовната институција, носејќи торба со оружје и муниција. На снимката исто така се гледа и моментот на експлозијата и пукањето.
Телевизијата набрзо ја тргна снимката бидејќи е со вознемирувачка содржина.
Во средата ученикот од четврта година Владислав Росљаков пукаше и активираше бомба во Политехничкото училиште во Керч.
Во нападот загинаа 21 лице – 16 студенти и петмина вработени. Над 50 лица беа повредени. Напаѓачот изврши самоубиство.
