Ќерката на Мики и Светлана Црнокрак, Моника Црнокрак ја претставуваше Македонија на изборот за убавина Miss Summer International 2018, кој пред два дена се одржа во „Мерит Ројал и Премиум“ во Киренија, Кипар.
Таа успеа да ја освои титулата за Мис фотогеничност во нејзиниот прв интернационален настап како претставник на Македонија и така продолжи по стапките на нејзината мајка Светлана Црнокрак која многу пати учествувала на избори како во Македонија, така и низ светот и освојувала титули, велат од модната агенција Црнокрак.
Поддршка на изборот добила и од семејството кое биле заедно со неа, а мама Светле вели дека е горда што има достојна наследничка и е сигурна дека нејзината Моника ќе продолжи да ниже успеси.
„Горда сум, и тоа многу“, накусо прокоментира Светле.
Победничка е претставничката на Молдавија, прва придружничка е Белорусија, а втора Португалија. Инаку, парот неодамна одбележа и 21 година брак, а по тој повод од ќерките добија торта како изненадување.
