Во текот на следните денови територијата на нашата држава ќе биде под влијание на студена воздушна маса од североисток која ќе услови северен и североисточен ветер и значително опаѓање како на утринските, така и на дневните температури на воздухот, анализира Славчо Поповски.
Утре ќе има услови за слаб локален дожд додека на повисоките места и на планините ќе има услови за провејување на слаб снег, во вечерните часови особено во јужните и во југозападните предели ќе има услови за локални врнежи од дожд додека на повисоките места и на планините ќе паѓа снег, снежната граница би можела да се спушти и под 1000 м.н.в што значи услови за провејување на снег ќе има и во некои од населените места.
Викендот ќе се случи поголемиот пад на температурите. Минималните ќе се спуштат до -8 со евентуално поместување до 1степен целзиусов, додека на планинските места пак ќе се спушти и до -10.
Максималните дневни ќе се движат од 5 до 14 степени.
Токму заради ваквата температурна вредност на планинските делови се очекува и снег од викендов.
Според моментално направените анализи поинтензивни врнежи од дожд и снег на планините ќе има во текот на ноќта недела кон понеделник.
На планините во текот на следниот период ќе има услови и за формирање на бела покривка.
Минималните температури на воздухот ќе се спуштаат во интервалот од -8 до 2, максималните дсневни ќе се искачуваат во интервалот од 5 до 13 степени додека во недела ќе биде уште постудено со максимални температури од 4 до 12.
