Драган Вучиќ и неговите Тв емисии можеби се на мета на критика на многумина заради наводното „ниско естетско и уметничко ниво“, но едно е сепак непобитен факт: Вучиќ е феномен! Тој со децении опстојува во телевизискиот етер со различни нискобуџетни проекти, најчесто наменети на социјалната структура на македонскиот ТВ аудиториум.
Каква и да е нивната содржина, тие се постојано едни од најгледаните емисии, зашто Вуле има „чувство за осет“, па има сенс да го погоди „вкусот на народот“! Или што би рекле некои, на водителот и публиката им се поклопуваат „нивоата на желби, вкусови и размислување“ ! Така е и со најновото „подвижно квиз шоу“ на водителот, „Возење со Вучиќ“!
Ама, дали само тоа е тајната на успехот на феноменот? Дали само содржината е она што Драган Вучиќ со години го прави еден од најгледаните?
Жарко Димитриовски, попознат како „Жаре 1 на 1“ последниве години исто така има успешна емисија. Истоименото ток-шоу на водителот е од сезона во сезона во постојан раст, во нагорна линија на гледаност. Ама и покрај се’, Жаре не е Вучиќ! И не може да биде!
Затоа водителот седнал, па размислувал што е тоа што Вучиќ со години го држи при врвот? Анализирал, расудувал, мислел и… смислил! Жаре најде чаре! Па истото го објавил на Инстаграм профилот на неговата емисија „Еден на еден“! Според Жаре, ова мора да е тајната на успехот на Драган Вучиќ.
Двесте години ги има најдобрите спонзори: кафе, сокче, чоколатце…
…Одиш на квиз кај Вучиќ и… спремен си за задушница!
Така тврди Жаре! Само, го чекаме денот кога „ударот ќе го возврати“ феноменот… Вучиќ!
Извор: Вистина
