Поранешниот фудбалер Душко Тошиќ и сопруг на Јелена Карлеуша се огласи преку својот адвокат Никола Премовиќ.
-Поради последните изјави на Јелена Карлеуша за Душко Тошиќ во претходните денови, а по налог и во име на мојот клиент Душко Тошиќ, принуден сум да објавам јавна објава!
Душко Тошиќ е некој кој во текот на целата своја кариера, како почитуван спортист и поранешен репрезентативец, избегнува јавно да се експонира, особено кога станува збор за брачни и семејни работи.
Повторуваме дека преговорите за меѓусебниот развод на Душко Тошиќ и Јелена Карлеуша се уште траат, а еден од договорите со адвокатите на Јелена бил токму ниту една страна да не се огласува за брачни и семејни работи, додека преговорите за заеднички развод се во тек. – вели адвокатот
ЈК пак смета дека Душко е никој и ништо без неа.
-Ме изнервира Душко Тошиќ, па морав да го казнам со еден пост, но не се разведовме. На хартија, не се разведовме и се уште живееме во иста куќа. Врските се специфични, не знам како да се изразам без пак да ми се јави неговиот адвокат.
Жално е што дури и го спомнувам неговиот адвокат, но ќе кажам една голема вистина и ќе ставам точка. Животот на Душко нема смисла без мене. Тоа е една голема вистина.
Тој не постои без мене. Сè уште живееме многу убаво со нашите деца во нашите четири ѕида. Мама и тато не работат. Ова е тажната приказна на секој друг брачен пар во Србија.
Бракот како институција пропаѓа пред се поради машкото непочитување кон жената, тоа е за жал голема вистина.
Имотот на Јелена Карлеуша и Душко Тошиќ во фокусот на јавноста
Јелена Карлеуша бурно реагираше на наводите кои деновиве се појавија во медиумите, според кои наводно целиот имот на Душко Тошиќ оди кај неговата мајка Николета и сестрата Катарина.
„До кога половина свет ќе кажува лаги за мене и моето семејство?! До кога медиумите ќе објавуваат непроверени информации заради тираж?!
Поради ова, принуденa сум повторно да поднесам тужба. Под која карпа живеете вие луѓе, па не знаете дека брачниот имот е вообичаена работа?!
Во каква омраза живееш кога мојот живот ти е поважен од водата што ја пиеш? До кога?!“, резигнирано изјави музичката ѕвезда на Инстаграм, но набрзо ја избриша објавата.
Да потсетиме, кога минатата година објави дека се разведува, Јелене меѓу другото истакна:
„Со цел да се спречат неточни натписи, целиот брачен имот беше пренесен на нашите деца. Старателството над децата ми припаѓа мене. Секоја напишана лага ќе резултира со тужба, како што беше досега“.
