Како и многупати досега, оранешниот премиер и поранешен лидер на ВМРО-ДПМНЕ Љубчо Георгиевски, соопштува ставови кои на почетокот изгледаат нереални и речиси сите, политичари, аналитичари и граѓани не се согласуваат со него, упатуваат навреди кон него, го прогласуваат за пред авник.
Но историјата покажа, дека на почетокот Љубчо е напаѓан, но подоцна, она што тој го зборува се остварува во реалноста. Така беше на пример со промената на името, за потоа Георгиевски да потсети дека да го послушале навреме и СДСМ на чело со Бранко Црвенковски да не му правел опструкции, тој ќе го решел спорот со името на многу побезболен начин.
Слично беше и овојпат. После вчерашниот статус на Георгиевски на својот профил на социјалните мрежи, каде објави предлог од 5 точки, како да се решат споровите со Бугарија, следуваше канонада од навреди.
Покрај коментарите на социјалните мрежи, на Љубчо Георгиевски му одговори и кумановскиот градоналчалник, Максим Димитриевски, чиј статус ќе го прочитате подолу. Прво, да се потсетиме што кажа Георгиевски:
„Гледам дека Македонско- Бугарските односи се движат кон нов ќорсокак а понатаму и кон нова ескалација на сите нивоа која може да доведе до долгодишна ом раза на двата народа. Затоа еве ке дадам еден предлог, патна карта или акциски план за излез. Обично на оваа тема пишувам и зборувам како читач на историјата но овој предлог има само политчко- дипломатски карактер:
-Северна Македонија да даде гаранција дека нема никакава аспирација за Источна Македонија. И во поимот Северна Македонија не влегува Источна Македонија. Погледнато од Скопје, Пиринска Македонија секогаш била Источна.
-Северна Македонија да даде гаранција (најверојатно тоа ке биде шести пат, три пати во контекст на Грција и трет пат специјално за Бугарија) дека како држава со ништо нема да ги помага и подржува организациите кои бараат македонско малцинство во соседна Бугарија.
-Бугарскиот парламент да донесе декларација во која ке изјави дека под поимот македонска нација и македонски јазик подразбира само нација и јазик кои се формирани после 1944.
И дека Бугарија со ништо не ги прифака тезите за кои смета дека се фал си фикат и ја подржува бугарска историографија во одбрана на својата вистина. (Оваа теза во Бугарија можеби ке биде прифатена како политичка игра тоа не е така, само ја нудам српската стратегија како тие ги решаваат нивните проблеми.
Имено, Србија го има истиот проблем со хрватскиот јазик,со босанската и царногорската нација и јазик па дури и со македонската нација и јазик. Но Србија политички ги има признаено сите четири нации и јазика дури и на својата територија. И хрватскиот и црногорскиот и босанскиот и македонскиот се службени јазици во повеке српски општини.
Ама српската наука историографија, лингвистика не го признава тој факт и секојдневно се бори со аргументи. Истата приказна е и со Македонија. Политиката максимално ја дава подршката за македонска нација и јазик ама секоја година се печатат книги за Македонија како стара Србија.
Како ја ослободиле Македонија во балканските во -јни. Книги за српски манастири и цркви од време на Средновековието, а изгледа ги има доста. Да не споменувам пак дека за Српската црква ние сме тотално срби а И изгледа дека БПЦ ги поткрепува во таа намера). Зедничката историска комисија да ја измени малку стратегијата:
-Да се објават сите пет веке потврдени личности плус Делчев како општ, заеднички без многу детали. И плус Глигор Прличев за кого прво се согласиле па бугарската страна се повлекла.
-Да се утврдат уште десет или петнаесет настани кои се општи без многу големи тектови и објаснение и да почната да слават заедно. Може и сто и петнаесет ама тогаш политичарите само од прослава на прослава треба да одат.
-Бугарската страна под итно да направи список на места од македонските учебници кои се навредливи за нив и тие да се се избришат без да се чека општата дискусија.
-Да се направи нова специјална комисија која ке работи под најбрза постапка за прогонот и ув ист-вата на Македонци со бугарска национална свест. Според бугрски извори 30.000 ув -иени и 120.000 мал тр-ет ирани. Лично сметам дека тука некој лошо ја подводи бугарска јавност. Но и 1200 да се демократија треба да објави на виделина.
-Македонската страна да се задолжи Во сите историски книги незвисно од државен или приватен издавач точна да га дава преводот посебно каде писателите пишувале македоци или бугари. Секој фал си-фи кат да биде финансиски санкц ионран.
-Македонската историографија да ги корегира и да ги даде вистинските имиња на институциите, на пример Народна Федеративна Партија???
– Македонската историографија да ги потполни важните биографски моменти на важнили личности. На пример фактот дека Гоце, Даме, Ѓорче и стотици други биле учители на бугарската егзархија не е мала работа која ја криеме.
-И конечно имам и предлог со кој може да го затвориме и проблемот со јазикот. Македонската страна да признае дека целата македонска преродаба се обидувала да создаде заеднички јазик со Бугарскиот но врз база на македонските дијалекти но бугарската интелегенција поради кратковидост кодифицирале јазик само врз база на северозападните дијалекти со што го отвориле патот на македонскиот јазичен сепаратизам а на Српските лингвисти основа дека и шопските говори во Бугарија се српски јазик.
Дека официлно писмо и јазик на сите македонски организации во османлискиот период бил Бугарскиот јазик и писмо. Што се лесно проверливи факти. А бугарската страна да прифати дека тоа е добар приод да се затвори јазичното прашање.
-Инфраструктурните прашања. Македонската страна да ја даде под концесија железничката пруга на бугарските железници со пресметан екстра профит да ја доградат.
Бугарската страна да ги изгрдат патиштата за граничните премини Клепало кој дваесет години има и пат и гранична зграда . И преминот Црна Скала мегу Делчево и Кустендил каде патот беше изграде но веке и руиниран.
Македонската страна како поклон на Бугарија да и изгради втора лента на Преминот Делчево – Благоевград каде на секој празник луѓето чекаат со саати.“
Ова е одговорот на Максим Димитриевски:
„Акцискиот план кој што вечерва го предложи поранешниот Премиер Љупчо Георгиевски е срамен и понижувачки за Македонија и Македонскиот народ.
Овие ставови директно ги разнебитуваат нашите Македонски корени, ги поткопуваат столбовите на постоењето на Македонската држава, историја, јазик, идентитет и култура со конечна цел декодифицирање на македонизмот.
Доколку кај поранешниот премиер постои малку доблест и свест под итно треба да го врати Македонското државјанство и да се извини на целиот Македонски народ.
-Го повикувам јавното обвинителство екс официо да отвори случај, спроведе истрага и доколку утвртди одговорност за ваквиот предлог кој е против уставен да поднесе кривична пријава за дело против државата и поткопување и уривање на уставниот поредок.
-Јас сум еден од многуте граѓани во државата кој секогаш и секаде бескомпромисно ќе се спротивстави на ваквите утопистички ставови. Во оваа прилика ќе потсетам на зборовите на Гоце Делчев:
“Јас не познавам друг народ кој повеќе страдал од предавствата на своите синови – изроди како Македонскиот”, напиша кумановскиот градоначалник на социјалните мрежи.
