Младата пејачка Мими Јовановска од Велес го фрли жирито на „Звезде гранда“ во Белград во транс, откако ја испеа „Судбо моја“, и сите станаа на нозе да ѝ аплаудираат.
Еден од коментарите кои што ќе се памети е оној на Вики Миљковиќ, која ѝ рече: „Мими ти си лек”.
Мими вели дека за еден од своите најуспешни настапи ја смета песната „Ако згрешам, нека зигорам“ од Пепи Бафтировски.
Новата ѕевзда на „Звезде гранда“, вели дека од мала е навикната на естрадниот и музички живот.
„Јас уште од мала пеев по свадби, и кога моите пријатели излегуваа, јас не одев со нив, пеев по свадби“, откри таа во емисијата „Магазин“ на Сител.
– Тие ми се голема поддршка, сакам да се искрени со мене, што и да има лошо да ми кажат“, рече Мими за пријателите. Потоа за Мими зборуваше нејзината пријателка Марија.
– Покрај толкава гламурозна сцена, Мими си е истата останата. Искрено, со толкава поддршка од близките Мими е стасана каде што е.
Во слободно време заедно ги читаме пораките од обожавателите и а одговараме“, изјави другарка на Мими за неа.
Другарката потоа раскажа за големото изненадувањето коешто таа и пријателите ѝ го подготвиле, а Мими била во голем ш -ок, но позитивен.
– Мајка ѝ и нејзиното братче живеат во Шведска и повеќето од времето се разделени отколку што се заедно.
И договоривме мајка ѝ да дојде без таа да знае. Ѝ викам: Мими, може ли да се видиме на кратко?
А таа ми вели: Морам да одам во Велес. А мајка ѝ беше веќе пристигната. Ѝ реков, Мими, врати се, многу ми требаш.
Се врати, и со ова можам да кажам дека е вистинска другарка. Ѝ приредивме големо изненадување, и не знаеше каде се наоѓа“, рече нејзината добра пријателка Марија, и ја праша Мими дали е спремна за уште едно изненадување.
На ова Мими одговори: „За мене тоа беше навистина голем шок. Не знаев каде се наоѓам. Се немав видено со мајка ми долго време, повеќе од една година, и кога се појави позади мене…“.
Пејачката од преголема возбуда не успеја да ја заврши реченицата. Потоа зборуваше дека со својата мајка има близок и пријателски однос.
Спомена дека мајка ѝ ја пријавила на „Звезде Гранда“, а таа не ни знаела и се изненадила кога ѝ се јавиле, но сепак знаела дека мајка ѝ стои зад ова.
Мими рече дека ѝ драго што ја препознаваат на улица и сакаат да се сликаат со неа.
Таа зборуваше и за врската со Фиип од „Браќа Нуне“ бендот со кој настапува, и не сакаше многу да коментира за нивната љубов.
Таа кратко рече дека се заедно и се поддржуваат во сè што работат. Мими за жал испадна од понатамошното натпреварување на Звезве Гранда.
Мими прво ја отпеа македонската народна песна „Зошто си ме мајко родила“, а за втора песна ја одбра „Кажуј крчмо“.
Од жирито доби 5 гласа, и и беше истакнато дека запонала како аутсајдер, а дека до овој 5 круг се развила и подобрила многу со своите изведби, пеење и стајлинг. По овој повод, таа ѝ се обрати на јавноста на Инстаграм:
Драги мои, ви благодарам од се срце за огромната поддршка после мојот настап на Звезде Гранда . Секој ваш коментар го слусшнав, прочитав и многу ми значи.
Ми значи успехот што го постигнав до денеска и тоа сшто вие несебично ме поддрзжувате. Ќе се потрудам и во иднина мојата енергија и песна да ја пренесам на сите вас! ВЕ САКАМ!“, изјави Мими.
Таа потоа објави слика со важна личност, нејзиното помало братче, и под неа напиша: Те сакам до месечината и назад!
Фото: Јутјуб принтскрин, Инстаграм принтскрин
