Минатата недела, обожавателите на Тања Савиќ се израдуваа кога пејачката објави фотографија од децата на Инстаграм, а исто така напиша дека сега се конечно повторно заедно со што беше заклучено дека таа го добива старателството, откако нејзиниот сопруг ги однесе во Австралија.
– Моите две најголеми љубови. Максим и Ѓорѓе. Залудни беа сите овие 335 дена без вас.
Иако бев многу осамена, вашата смеа која (и покрај физичкото раздвојување од вас) не избледе во моите мисли, и истовремено беше стимул за денот кога ќе ве видам повторно.
Тој глас ми даде надеж. Гласот на моите ангели. Само ние знаеме колку е волшебна таа љубов меѓу нас. Нешто што не може да се опише со зборови. Но, со поглед и со насмевка може. Оние моменти кога се разбираме и кога не зборуваме се бесценети.
Додека цело време се држиме за раце од дома до училиште … Додека лежиме заедно навечер и се смееме на моите смешни измислени бајки. Сето тоа беше прекинато некое време. Животот не е бајка …
Да се биде мајка е Божји повик- да се биде борец и учител. Кога од ученик ќе станете наставник, тогаш тоа е победа.
Победа над себеси. Вие сте мои херои. Ви ми дадовте сила да издржам. Ја чувам радоста и трепетот во моето срце за нашите немирни и разиграни идни денови.
Нашите молитви конечно да бидеме заедно се остварија! Мама ве сака. П.с. Ви благодариме што секогаш бевте тука кога ми беше потребно. Јас сум најсреќната мајка – напиша Тања.
Тања Савиќ сега зборуваше за деталите од судската пресуда со која се одлучи нејзините деца да се вратат во Србија, но старателството над нејзините синови сепак остана нерешено.
Тања Савиќ е задоволна од пресудата според која нејзините синови се враќаат во Србија, сепак, таа откри дека конечната одлука за старателство се уште се чека.
– Официјално добив пресуда за враќање на децата. Јас сè уште немам старателство над децата, тоа не е решено, ќе мора да се бориме за тоа од Србија.
Пресудата донесе само одлука децата да се вратат во Србија затоа што со сите трудови докажав дека децата живеат тука, дека имаат престој, дека се школувале тука, дека тука поминавме повеќе време отколку во Австралија – рече Тања за екстрафм.хр.
Таа посочи како се чувствуваат децата после сè, но и дека е најсреќната мајка во моментот и откри кога ќе ги прегрне своите синови.
– Зборував со децата, тие се збунети, беа без мене една година, а сега знаат дека ќе бидат без татко им. Тоа е пресвртна точка во нашите животи што е тешко. Не знам што да мислам. Многу ми е жал за себичноста на еден родител, и тоа во овој случај не сум јас.
Мојата голема желба за роденден се оствари и нема посреќна мајка од мене. Сè уште немам можност да ги гушкам децата, тоа ќе биде наскоро – додаде Савиќ.
Да потсетиме, сопругот на Тања Савиќ, Душан Јованчевиќ, ги однесе децата во Австралија на почетокот на март минатата година, без дозвола на пејачката, а пресудата во корист на Тања Савиќ беше изречена само една година подоцна.
Фото: Инстаграм принтскрин
