Полиѕичките партии го засилуваат темпото на презентација пред гласачите, како што се приближува 12 Април, денот на предвремените парламентарни избори.
Но како што се засилува интензитетот на кампањата, се засилува и реториката, но и ниските удари од едната и другата страна. Па така, почнаа да се монтираат спотови, кои треба да ги потсетат гласачите колку било лошо во време Грујово.
Нешто што не е непознато и за ВМРО-ДПМНЕ. Во минатото и тие знаеле да водат црна кампања.
Покрај новинарите, кои зазедоа страни пред овие избори, или повеќето од нив, истото го прават и интелектуалците, како и поранешните функционери во државата.
Ѓорѓи Спасов е поранешен висок функционер во СДСМ и министер во нејзините влади. Тој е исто така универзитетски професор и навистина изненадува неговиот статус со наслов: ,,Мицковски е невиден простак”!
,,Од она што го демонстрираше Мицковски во дебатата со Заев сфатив дека Мицковски е невиден простак. Неговиот простаклук, цинизам и видлив садизам од изразот на лицето не можат да го затскријат сите докторски и професорски титули со кои се накитил.
Влезен е во фаза на ароганција,заканување и демонстрирање на максимално омаловажување на соговорникот. Оттука тој не е и никогаш не може да биде ниту пристоен ниту елементарно писмен политички соговорник.
Затоа е големо прашање дали заслужува да биде удостоен со било каков соговорник додека не научи да го почитува противникот и да се придржува до правилата на играта.
Или барем додека не научи да не говори за некаква “вистинска вистина” бидејќи како политички талент веројатно е убеден дека постојат: вистина,лажна вистина и вистинска вистина.
Поголемиот дел од дебатата се однесуваше како Талат од серијата “Преспав” Секогаш кога ќе се споменеше 11 годишното владеење на неговата партија одговараше како Талат . “Јас незнаем ништо за тоа. Јас не сум оттука. Јас сум од Џепчиште”.
