Никогаш не ја крие насмевката, по која е препознатлива. Па така и овој пат, за еден српски медиум низ насмевка зборуваше за тешките моменти во животот, кои ги преживеала изминатата година и кога останала сама.
Имено, авторката на едни од најтрогателните романи, Јелена Бачиќ – Алимпиќ проговори за здравствените промени за кои досега не зборувала, само за да не привлекува внимание. Вели дека луѓето имаат и поголеми проблеми од нејзините.
„Не зборував за ова бидејќи не сакам некој да мисли дека привлекувам внимание. Ништо не е толку драстично, освен што требаше да одам на операција. Тоа се случи во 2016, додека го истражував градот за својата книга, која излезе на 11 мај. Па затоа тоа лето бев во Сицилија“ – вака ја почна својата приказна.
А, потоа започна да раскажува како точно се случило.
„Ми испадна дискот помеѓу двата пршлени во ‘рбетот. Останав неподвижна. Потполно сама во Сицилија, со денови под инјекции, без можност да се поместам… Ползев до тоалетот. Тоа беа страшни денови. Кога се вратив од Италија, морав да одам на терапија за да ја избегнам операцијата.
Тоа траеше половина година, но, верувајте ми бев одлучна да ја одбегнам операцијата. Не сакам од тоа да правам никаков спектакл. Постојат многу полоши работи во животот.
Тогаш Бог ме опомена да застанам и да прикочам. Потоа направив магнетна резонанса и ги поминав сите терапии. Успеав да го тргнам дискот кој го притискаше нервот и ми го оневозможуваше движењето“ – раскажува Јелена.
По оваа случка, сфатила колкава моќ има во позитивните мисли.
„На сите им велам никогаш да не ја губат надежта, верата и упорноста на крајот победуваат. Дури и себе треба да се победиш. Јас се победив себе си. После тоа имав уште еден здравствен проблем. Неодамна… но, тоа е навистина премногу интимно, за отворено да зборувам. И тоа успеав да го пребродам и да ја завршам книгата.
Па затоа можам да кажам дека оваа книга настана во најтешкиот период во мојот живот и верувам дека тоа и ќе се почувствува. Навистина е клише, но е вистина дека тоа што не ве убива – ве прави посилни“ – вака авторката ја заврши својата трогателна приказна.
