Бизнисменот Сефер Цаноски тврди дека не верува како Унгарија ќе му даде азил на Никола Груевски. Според него, тој ќе бил испорачан во некој од следните летови.
-Љубе,Кежаровски, Велија, Емел и уште многу други машки и гордо ги издржаа затворите. Затворени беа на кукавички начин од истиот тој кој слободно се шеташе и шеташе и шеташе… За на крај комотно и во ист кукавички стил да си замине во прекрасниот град Будимпешта.
Не е фер не само поради жртвите, туку поради правдата и иднината. Но, не е ни крај на светот.
Унгарија е дел од Европска унија и не верувам дека за ваков криминалец би дале азил. Исто како Санадер на некој од следните летови ќе биде како пакетче испорачан – објави на својот Фејсбук профил Цаноски.
Јавноста е во неверување откако пред помалку од еден час Груевски на својот официјален профил напиша дека се наоѓа во Будимпешта, каде побарал политички азил.
