Откријте во кои хороскопски знаци се раѓаат најборбените, најстрасните и најсилните жени.
Лав
Таа е многу силна жена, која не дозволува лесно да ја носат брановите на судбината. Нејзината виталност, волја и авторитет ѝ овозможуваат да влезе во категоријата на оние жени кои доминираат и кои не дозволуваат да бидат победени. Сака акција и движење. Во тоа ја внесува целата своја сила и енергија. Тешко е да остане само на едно место, да фантазира и да не прави ништо. Не поднесува мрзливост, дури ниту кога одмара. Гордоста ѝ игра голема улога при постигнувањето успех по секоја цена. Има високо мислење за себе за да може да се задоволи само со моменталната состојба. Во односот кон другите почитува извесни правила на однесување. Има премногу отворена природа за да може да поднесе лукавост и злоба.
Кога нешто не ѝ се допаѓа, тоа директно го покажува. „Млаките“ и недефинирани чувства ја доведуваат до очај. Нејзиниот карактер тешко се прилагодува со луѓето кои се воздржани во своите чувства, па затоа не ги трпи луѓето кои седат на две столици, кои се неодлучни, колебливи и лицемерни. Верува дека сите луѓе можат да бидат отворени како неа, а кога ќе се увери дека не се, горко се разочарува.
А, така нанесените рано тешко заздравуваат. Иако е искрена, понекогаш сака да се шегува и да се прикажува онаква каква што не е. Нејзините мали грижи знае да ги прикаже како големи, за да го привлече вниманието на другите. Кај неа постои уште една контрадикторност. Великодушна е и среќна кога може да направи некоја радост за другите. Меѓутоа, понекогаш е премногу егоцентрична и егоистична, па пред да помисли на другите, таа прво мисли на себе. Можеби најголемата предност која ја поседува е верноста.
Таа е длабоко приврзана за личностите кои го здобиле нејзиното пријателство. Таа верност ги надминува и времето и искушенијата. Потребно е некој сериозно да ја изневери, за да го промени мислењето кое го имала за него. Понекогаш, иако е свесна дека некој ѝ направил нешто лошо, избира да „остане слепа“ за да не биде разочарана. Има цврст карактер, па затоа не сака никој да влијае врз неа. Во односот со луѓето не трпи каприци, преувеличување, извештаченост. Бидејќи е тип на страсна жена, таа може точно да одреди што ја привлекува, а што ја одбива кај некој маж. Таа или некого сака, или едноставно го презира. Ако некој маж ѝ се допаѓа, тоа отворено му го кажува.
Ако сака, целосно се предава на своите чувства, без никаква воздржаност. Чувствата ги искажува без многу зборови. Сепак, умее да прави разлика помеѓу моментални впечатоци и трајни чувства. Не поднесува ништо нејасно и неодредено во љубовта. Од такт ја вадат личностите кои еден ден пред неа покажуваат знаци за обожавање, а веќе наредниот ден изливи на нетрпеливост. Би било вистинско чудо кога таа би се врзала за таков тип на луѓе.
Скорпија
Таа сигурно не е пасивна, мирна и кротка жена. Немирна е и со доста страсна природа. Во животот не прави ништо неволно или половично. Не сака неодлучност. Кога ќе се ангажира во некоја акција или предизвик, кога учествува во некоја дискусија, кога доживува некоја авантура, секогаш оди до крај или пак, едноставно ништо не започнува. Разочарувањето и неуспесите длабоко ја погодуваат.
Кај неа во сѐ доминира инстинктот. Најдобрите одлуки се диктирани од нејзината интуиција. А, нејзините први впечатоци за луѓето и работите, се најчесто неверојатно точни и прецизни. Не прави тактички или психолошки грешки. Таа способност за безгрешно да ги проценува луѓето понекогаш ја прави претерано сигурна во себе и во своето мислење. Ако некој не мисли како неа, му дава совети или ги критикува, а таа нејзина особина никому не му се допаѓа.
Некои жени бараат мир и нивните чувства и емоционални реакции потсетуваат на тивка вода. Тоа не е случај и со нејзе. Нејзините чувства се вистински разбрануван океан. Симпатијата или антипатијата која ја чувствува кон луѓето веднаш се забележува на неа. Ретко може да го сокрие своето расположение.
Се случува да се излаже за некоја личност. А во тој случај, брзо може од љубов да премина на мразење, но и обратно. Во љубовта не спаѓа во категоријата ладни жени, лишени од страст. Бидејќи нејзините реакции во животот се ненадејни и непосредни, такви се и во љубовта. Уште во првите моменти од запознавањето таа чувствува привлечност кон некој маж. Физичката љубов има големо значење за неа, па според тоа и физичкиот шарм на почетокот игра поголема улога од моралните или интелектуалните квалитети.
Таа не може да сака некого, ако прво не го посакува. Нејзината страст и сила со која ги заклучува работите ја ставаат во редот на оние жени кои имаат моќ на заведување и способност да го привлечат вниманието на скоро секој маж. Многу жени кои се родени во знакот Скорпија, иако не се истакнати убавици, фасцинантно и магично делуваат на мажите. Недефиниран, чуден и заводлив шарм, кој ги поттикнува вибрациите во длабочината на нејзината личност, таа знае добро да ги искористи. Кога ѝ се допаѓа некој маж и кога ја привлекува, ќе успее да го освои и „зароби“ со илјада невидливи детали. Во таа суптилна игра умее да ги користи до совршенство сите свои видливи и скриени адути.
Но, мажот кој таа го избрала нема веднаш до продре во тајните на нејзината личност. Таа за него долго време ќе биде мистериозна личност. А тоа воедно ќе биде и еден од силните причини за неговата љубов. Личноста која ќе посака одеднаш целосно да ја запознае, ќе ризикува да ја загуби засекогаш. Може да се помисли дека љубовта за неа е само игра, а сите нејзини напори насочени кон тоа да освои некого, а таа самата да остане неосвоена.
Но, тоа е заблуда и тоа не е вистина. Иако таа умее вешто да го искористи своето оружје во љубовното освојување, тоа го прави без задни намери. Многу е сензибилна личност и секогаш во љубовта сака сѐ или ништо. Подготвена е да се предаде до крај, без стегнување и несебичност, но само на оној што таа го избрала. Нејзиниот избраник станува центар на нејзиниот живот. И тогаш кога ќе се омажи, таа не се впушта во мирни води.
Сака акција, движење, обновување. Љубовта за неа не е само страст, туку и вечна борба со новите животни предизвици. Во животот потсвесно сака да доминира со луѓето, настаните и работите. Ниту нејзиниот избраник не може да го избегне тоа. Секогаш ќе сака на некој начин да му ја наметне својата волја.
Стрелец
Нејзиниот карактер се дели во две насоки. Првата насока ја води кон мирен живот во кој ќе пронајде сигурни и верни пријатели, што ќе ѝ ласкаат на нејзината суета. Другата страна од нејзиниот карактер е сосема поразлична. Таа е смела, независна, сака да ги пречекори воспоставените бариери, се впушта во ризици за да оствари некој идеал, некој нејзин план, само за да им покаже на луѓето колку навистина вреди.
Таа е многу амбициозна. Сака да се постави во животот на начин на кој сѐ ќе ѝ биде подредено по нејзините планови, чие остварување ќе ѝ донесе почит од другите. Не е рамнодушна кон ништо што може да го зголеми нејзиниот углед и престиж. Има истанчено чувство за сите животни вредности, не занемарува ништо што на кој било начин може да оди во нејзина корист.
Многу се држи до активниот живот и правилниот распоред на вредностите. Не сака никаква збрка или анархија. За нејзе животот е непрекината борба и докажување. Нејзиниот темперамент е заразен, брз и немарен и тој секогаш ја турка напред. Таа виталност, која нејзината околина тешко може да ја сфати, мора секогаш да се искаже. Иако понекогаш ѝ се јавува желба да остане сама и независна, таа сака да остане во друштво, да ги привлече симпатиите на другите.
Ја навредуваат непријателските постапки. Не може да поднесе омраза. Нејзината природна веселост и смислата за хумор играат огромна улога во односот кон луѓето. Таа е отворена, лојална, ја цени точноста и коректноста. Ако другите не се како неа, таа е револтирана и се буни. Не поднесува лесно некој друг да управува со неа, да ѝ поставува правила или услови. Понекогаш знае да се вообрази дека разбира сѐ и дека е „најпаметна“.
Во љубовта, вистинска желба ѝ е да сретне маж кој ќе ѝ се восхитува и кој ќе може да го претстави на пријателите без ниту малку грижа на совеста. Презира умереност на вредностите и затоа во љубовта не се задоволува со кој било. Но, тоа не значи дека во еден човек ќе бара совршенство, бидејќи е свесна дека таков не постои. Потребно е тој да поседува интелигенција и шарм кој ќе допре до нејзиното самољубие. За нејзе љубовта значи восхитување и затоа нејзиниот избраник мора да биде човек со силен карактер.
Човекот со слаба волја, кој ќе попушти на нејзините каприци, никако нема да ја направи среќна. Ако во почетокот се согласи на таков човек, еден ден сепак ќе дојде до експлозија. Не сака луѓе кои срамежливо ги искажуваат своите чувства. Срамежливи докази на љубов не ѝ се потребни. Човекот на нејзиниот живот мора отворено да ја искаже неговата љубов и на секој начин да ѝ ја докаже.
Ако се воодушевува на сето она што таа го смета за вредно, нејзиниот углед ќе порасне во нејзините очи и таа ќе го цени и сака. Дали е љубоморна? Не многу. Пред сѐ, грижа ѝ е да не биде исмеана во општеството. Сепак, неверството никогаш нема да го опрости, бидејќи со него е повредена нејзината суета и самоувереност. Исто така, не сака скандали и оговарање. Во односите со партнерот не смее ништо да остане таинствено и направено со голема неискреност.
