Метеоролозите најавија студ и пола метро снег – од петок промена на времето

Времето во Македонија ќе биде умерено облачно со врнежи од снег, особено во западните делови. Насекаде ќе се формира нова снежна покривка од 10 до 30 сантиметри, а на планините позначителна, над 50.

Заради ниските температури ќе има појава на голомразица.

Loading...

Утринската температура ќе се движи од минус 10 до минус три, а дневната од минус пет до два степени.

Поради снег на коловозот, на патниот правец Струга – граничен премин Ќафасан од 07:15 часот е воведена забрана за движење на тешки товарни возила, соопштија АМСМ и ЈП Македонија пат.

Од 04:10 часот, забрана за сообраќај на камиони има и на патниот правец крак Маврово – Дебар.

Сообраќајот на државните патишта изутринава се одвива по наместа влажни коловози, со остатоци од кашест снег на коловозот.

Снег врне на Попова Шапка, во Маврово, Дебар, Охрид, Струга, Кичево и на планинските премини Стража, Буково, Ѓавато, Плетвар, Пресека и Железнец.

Поради ниските температури можна е појава на голомразица.

Надлежните апелираат на внимателно возење и прилагодување на брзината кон условите на патот.

Во Скопје слично време, умерено облачно со врнежи од снег. Утринската температура ќе се спушти до минус седум, а дневната ќе достигне до минус еден степен.

Од петок следува стабилно и суво време со ниски утрински температури, а ќе има услови и за појава на магла по котлините.