Мирослав Илиќ откри дека песната „Polomiću čaše od kristala“ е негова интимна и лична приказна. Познатиот пејач имал бурни денови во младоста.
-Од време на време знаев да заглавам во кафеана, па и кршев и чаши, ама ама знаеев и „испокршен“ да се вратам дома. Едно утро дојдов до иконата на Свети Ѓорѓе и си реков:„Будало, повеќе нема да одиш во кафеана“. Никогаш добро не сум го поднесувал алкохолот и сфатив дека можеш добро да се забавуваш и без него- рече пејачот низ смеа.
Илиќ во истото интервју ги спомена и пејачите од помладата генерација.
-Секогаш сум на страната на младите, но младите не се подготвени да учат, мислат дека знаат сè- рече Мирослав, кој откри дека во младоста се занимавал со спорт, поточно со гимнастика.
Мирослав своите легендарни хитови ќе испее на 20 декември во Скопје на „Кафанска ноќ“, која ќе се одржи во салата „Јане Сандански“ од 20 часот, во организација на „Хајп продукција“.
Во најголемата кафеана на Балканот со него ќе бидат и Мира Шкориќ, аца Лукас и нашиот Жаре Бербер со неговиот „Галама бенд“. Сите средства ќе одат за семејствара на настраданите во пожарот во Кочани. Билетите можете да ги купите ТУКА.
