Среќна Нова година. Новата нека ви донесе многу радост, среќа, успех и здравје…
Сите некако со носталгија гледаме на минатите времиња, но воедно сакаме да сме во чекор и со новото време.
На популарната Фејсбук страница „Носталгија“ објавена е фотографија од 70-тите години на минатиот век, која навистина буди носталгија и сведочи за естетиката на едно време, и колку модата се враќа, но од друга страна, колку се промениле стандардните за убавина.
Фотографијата брзо стана вирална, собра илјадници лајкови и стотици споделувања и коментари, а повеќето се согласуваат во едно – жените порано биле поубави, и тоа природно.
На сликата гледаме неколку млади, весели жени во модни парчиња кои биле исклучително модерни во тоа време – кратки здолништа со големи набори, шарени кошули, како и детали во вид на бисери и свилени марами.
Она што особено ни го привлече вниманието се нивните чевли – ако знаете барем нешто за модата, тогаш сигурно знаете дека идентичен модел како на овие фотки е на врвот на популарноста во моментов.
Имено, потпетиците на платформа на „Валентино“ неверојатно потсетуваат на овие, а станува збор за модел кој ги полуде сите љубители на трендовите. Исто така, се носат и преку чорапи, и веќе неколку сезони се популарни, иако често се оспорувани.
Сепак, повеќе од модата, корисниците на социјалните мрежи коментираат за стандардите за убавина од овој период, кои секако видно се разликуваат од оние кои преовладуваат денес.
Само споредете ги денешните модели со оние на сликата! Разликата е екстремна. Дали се поубави или не, или едноставно се различни – ќе оставиме вие самите да процените, а дел од коментарите гласат:
„Природно убави девојки и добро облечени“, „Вака тогаш изгледаа сите жени – одмерено и убаво“, „Исклучително природни и женствени“,
„Беа многу поубави од денешните девојки кои носат само скапа и „брендирана“ облека“ , „Поубави од денес и многу поелегантни“.
„Беа навистина убави во споредба со денешните. Како сите да излегле од еден калап… “, „Убави и без силикони“, „Би сакала да гледам повеќе такви природни жени денес“, „Замислете ги овие дами во тренерки – не чини“, се дел од бројните коментари.
На социјалните мрежи, наидовме на коментарот на маж од Кавадарци, кој на „најпластичен“ начин опиша како мажите гледаат на најновата мода кај жените:
„На што личи ова? Дали имаат огледала дома? Зошто од убави и пристојни девојки, жени, се претвораат во мајмуни со тоа муцките неприродно зголемени.
Дали се свесни жените дека кој стигне почна да боцка и дека ризикуваат да им се искомплицира здравствената состојба со нивната желба да изгледаат – ни самите не знаат како!
Ајде, за градите можам некако да разберам. Ќе речете маж си затоа. Но не, дури и градите не смеат да бидат огромни невкусни топки, налик на певаљката во обид од Србија.
Па јас на мојата жена искрено и директно би и кажал дека на ништо не личи доколку ми дојде дома како Џокер во лицето. Немаат никаков критериум, срамотилоци, деца гледаат…“
