Каролина Гочева, како пејачка која нераскинливата врска со музиката ја започнала уште од мали нозе.
Tаа со богато искуство го нижи секој музички ѓердан од хитови и континуирано се надминува себеси, поставувајќи притоа високи стандарди на современата македонска сцена.
Албумите „Македонско девојче“ (1 и 2) се неоспорливи докази дека Каролина умее мајсторски да танцува со гласот во различни музички правци, а резултатот секогаш да е феноменален“, објави Фемина.мк во една прилика.
Во интервјуото за истиот медиум, Каролина збборуваше за многу нешта, а меѓудругото изјави:
-Не сум многу послушна кога се совети од други во прашање, подобра сум кога давам совети. Но, еден од ретките совети кои сум ги послушала и настојувам да ги применам е секогаш да си ја следам интуицијата.
Искрено, што поради природата на мојата професија, што поради поднебјето каде живееме, толку многу глупости сум се изнаслушала, така што веќе воопшто и не ги регистрирам, ниту ги памтам, а искрено повеќе не ме ни вознемируваат“, рече Каролина на прашањето кои се најапсурдните гласин и кои ги чула за себе.
Потоа таа ги откри петте факти за неа кои обожавателите не ги знаат.
– Повеќе од 5 се, секако, но еве ги првите 5 кои ми паѓаат на памет: Правам најдобри три врсти на шпагети.
Знам многу добро да имитирам (но само во кругот на најблиските и кога сум добро расположена).
Многу зборувам додека гледам филмови, а тоа ги нервира тие кои со мене гледаат во моментот.
Најмногу сакам да јадам навечер, особено ако сум излегла во град, тоа ми е најслаткото јадење.
Правам најдобри 3 врсти на шпагети, ама стварно се најдобри!
И не можам да се сетам на 5-ти факт“, изјави Каролина.
Потоа ја прашаа: Што за тебе е совршена среќа, а таа одговори: – Нешто кое приближно постои само кога сме деца, само штета што во тој момент не сме свесни за тоа.
Каролина имаше настапи на манифестацијата Културно лето во Карпош и во Куманово, а од сликите каде што е тип-топ дотерана се пофали на Фејсбук и напиша:
Преубава атмосфера и преубави луѓе. вака си поминавме завчера на #coolтурнолето на платото на “Млечен”.
Каролина никогаш не изгледала поубаво, а настапите се сигурно причината за нејзината среќа која и се гледа на лицето.
