Баба Мара Крагуљ од Ракелиќ кај Приједор, го прослави 101-от роденден во здравје и радост на начин што ќе ве остави без здив.
Сè по ред и како што ѝ доликува на славеничка, таа се дотера, па се нашминка, дискретно, женствено, а потоа излезе пред гостите.
Баба Мара го прослави 101-от роденден во топ форма со своето семејство, поточно со дел од големо семејство: со дваесетина внуци и правнуци. Некои од нив пристигнаа од Словенија специјално за оваа пригода.
Заради пандемијата, прославата се одржа во природа, на имотот на роднините на баба Мара во Козарска Дубица. Тие печеа јагнешко месо, а имаше и разни други деликатеси, вклучувајќи, се разбира, роденденска торта.
– Фала му на Бога, баба е добро, таа е сè уште на нозе, среќна и расположена. За роденденот, таа испи три ракии, а еднаш наздрави за својот омилен спортист Новак Ѓоковиќ и раскажа за неговиот последен натпревар и победа, кои секако ги гледаше на ТВ, бидејќи никогаш не ги пропушта натпреварите на Ноле – вели нејзиниот внук Милан Роквиќ.
Како и секогаш кога има гости, баба Мара избегнувала да јаде на роденденот, за да не се извалка, бидејќи и во подоцнежните години се грижи за уредноста и за својот имиџ.
– Нека сте сите живи и здрави и сите добри луѓе да живеат како мене – рече баба Мара за Srpskainfo и повтори дека е задоволна од својот живот, затоа што нејзините роднини ја чуваат како вода на дланката, почитувајќи и сакајќи ја, како да е вистинска принцеза.
Како што претходно објави порталот Srpskainfo, баба Мара минатата година, на јубилејниот стоти роденден, ја доби титулата принцеза меѓу бабите од нејзините внуци и правнуци. Потоа ѝ дадоа и круна.
Баба Мара стана принцеза во длабоката старост. Од раното детство па се до 97-та година од животот, таа работеше напорно и споделуваше сè што ќе заработи со своето семејство. Им помагала на роднините кога граделе куќи, оженила ќерки и синови, ги испраќала на студии и на долги патувања.
Во животот, таа исто така беше домаќинка и работничка во перална и собарка во хотел. Таа имаше 45 години кога отиде во Виена. Денес австриската пензионерка е рекордер: таа ја прима својата пензија 37 години.
Минатата година, на нејзиниот стоти роденден, нејзиниот гостин на прославата беше Милорад Додик – босански политичар, кој ѝ подари златен ѓердан.
Оваа година, Мара Крагуљ и нејзините роднини решија да го прослават роденденот без многу помпа и гости.
– Вака е поубаво. Оној што ме сака, дојде кај мене. Сепак, семејството е најважно – рече баба Мара.
Извор: Женски магазин
