Во текот на следните часови ќе започне да се формира најавениот циклон Бојана, облачноста над Македонија ќе започне да се зголемува уште од попладнево па така најпрвин во западните предели ќе започнат врнежите од снег кој во текот на претстојната ноќ ќе се прошират насекаде и поинтензивни ќе бидат во западните и во јужните предели, информира метеорологот Славчо Попоски.
Речиси насекаде ќе се формира снежна покривка а сето ова ќе биде проследено и со засилен северен ветер кој ќе услови појава на снежни наноси.
Наекаде ќе се формира снежна покривка, најголема ќе биде во западните и во јужните предели каде низ градовите ќе изнесува од 5 до 10 сантиметри, понекаде и повеќе додека на планинските места истата ќе се зголеми за околу 30тина сантиметри, на другите места снежната покривка ќе биде помала, врнежите од снег ќе продолжат и утре а повремено на некои места северниот ветер ќе биде СИЛЕН и ќе достигнува брзина до околу 80 км/час.
Поради многу ниските температури ќе има појава на голомразица па така КРАЈНО ПРЕТПАЗЛИВИ да бидат пешаците а особено возачите.
Максималните температури утре нагло ќе опаднат и ќе се движат во интервалот од -5 до 2 додека уште постудено ќе биде во петок со максимални температури од -7 до 0 степени додека наутро понекаде истите ќе се спуштат дури до околу -15 степени а на планинските места и под -20 степени.
Во попладневните часови во Македонија, се очекува зголемување на облачноста и почнувајќи од запад ќе има врнежи од снег, кои во текот на ноќта ќе се прошират насекаде низ земјава, соопштија од УХМР, додека за време на викендот иако времето ќе биде посончево температурите ќе достигнат и до минус 14 степени.
Врнежите ќе се поинтензивни на запад и на југ, а ќе продолжат повремено и во текот на ноќта, велат синоптичарите и додаваат дека ќе дува и умерен северен ветер, а ветровито ќе е и преку ноќта. Максималната температура ќе биде во интервал од 2 до 9 степени.
Во текот на утрешниот ден времето исто така ќе биде облачно со врнежи од снег особено претпладне, а пообилни врнежи ќе има во западните и јужните делови од земјава, а до крајот на денот, како што информираат од УХМР насекаде ќе се формира нова снежна покривка.
Помалку снег се очекува во североисточните делови. Поради засилениот северен ветер утре можна е појава на снежни навеви, велат синоптичарите. Во наредните неколку денови времето ќе биде променливо облачно и студено со многу ниски утрински температури и со слаби повремени врнежи од снег, велат од УХМР. А ќе има услови и за појава на голомразица.
