-Кога завршив средно школо прво што сакав да студирам беше политички науки, но тогаш кариерата ми тргна по нагорна линија и морав да ја искористам шансата која ми се пружи.
И гледано од оваа страна сега никогаш не би се занимавала со политика во Македонија“, изјави во едно интервју за НМД Катарина Ивановска, нашата позната манекенка и фото модел.
Катарина потоа зборуваше колку се грижи за своето здравје, тоест за здравата исхрана, и дека редовно вежба и се грижи за својата форма.
– Вежбам секој ден и секој ден различни вежби за да ги разбудам и најмрзливите мускули на телото“, рекла Катарина, а што се однесѕва до исхраната, таа додала:
-Со редовно вежбање и нормално здрава исхрана, но и гените наследени од мојата фамилија играат главна улога, така што не ми е потребно многу време за да се вратам во форма после новогодишните празници и преполните трпези со вкусна храна“.
Јас бев 2 год на row веган диет. Mене лично не ми одговараше, но убаво е кога внатрешните органи ќе ги исчистиш преку здрава и вкусна храна која многу често ја спремав сама.
Дури и сега знам да направам row веган десерт за да не јадам, нели, разни чоколади, колачи и сладолед.
Но, мислам дека за луѓето кои вежбаат редовно, замената за протеини е незаменлива и мора да се јаде месо, јајца или риба“, изјавила таа.
Во една прилика, во Слободен печат ја прашале: Носевте ревии и снимавте едиторијали за светски познати дизајнери, Валентино, „Долче и Габана“, Вивиен Вествуд, Роберто Кавали, „Диор“, Ели Саб…
Што беше за нив пресудно токму Вас да Ве одберат за нивните кампањи и ревии?“, а таа на ова одговорила:
– Знаете, кога имате среќа во оваа професија да бидете одбрани за работа во неа, тоа значи дека имате нешто што им треба.
Не мислам дека само убавината беше пресудна за нив, она што сите го забележаа е вродениот талент за оваа работа и мојот професионален пристап.
Имав среќа да бидам во тој момент она што на високата мода ѝ треба. Тоа би бил комплетниот одговор.
Модната индустрија е мултибилионски бизнис и природно е фотомоделите и манекенките што го жртвуваат најкревкиот дел од својата младост да бидат платени добро.
Но, притоа мора да знаете дека со тие хонорари самите си ги плаќате трошоците за кирии, авионски карти и слично, бидејќи ова е бизнис во кој од вас се бара да живеете во некој моден светски центар. За мене тоа беше Њујорк.
Сѐ зависи од стандардите на агенцијата што се грижи за вашата кариера. Јас имав среќа да работам со врвни модни фотографи, чиј талент оставил безвременски печат.
Манекенството е животна определба ако вашиот потенцијал е огромен. Денес сведочиме за многу вработени манекенки и над педесеттата година.
Она што следува потоа е да уживам во плодовите од мојата работа и да создадам некаква активност што ќе ме исполнува. Искрено, филантропските и хуманитарните иницијативи за мене се најубавиот дел од мојата јавна појава кај нас.
Јас имам многу среќа и сакам да бидам ангажирана нашата земја да биде среќно, здраво и просперитетно општество“, изјавила Катарина.
Катарина се сликаше во своето најоригинално издание досега, со мини сукња и интересни чипкани хулахопки како и високи чизми и на Инстаграм напиша: Офф, каков викенд.
На овој пост има доста лајкови, ама она што е исто интересно е што Катарина ги има ограничено коментарите до сликите, шти значи дека не може секој да и напише што сака.
