Загрепската премиера на филмот „Тома“ покажа колкав е интересот во Хрватска за овој сега веќе култен филм, бидејќи многумина останаа без билети и чекаат нови претстави во кината.
На премиерите присуствуваа актерите Милан Мариќ, Петар Бенчина и Милан Колак, кои и самите беа воодушевени од интересот за овој филм во Хрватска, каде што, сепак, многу помалку се знае за животот и кариерата на Томa Здравковиќ.
– За Тома повеќе знам од приказните на моите родители, кои го паметат од поранешната држава – изјави по загрепската премиера студентката Сања Милаковиќ. „И мојата генерација малку знае за неговите песни, но околу овој филм се создаде необична атмосфера и затоа ми беше драго што успеав да го гледам.
Филмот беше исклучително добро прифатен од хрватската критика, но имаше и лоши критики дека маските се лоши и дека животот на Здравковиќ бил лош пример. Угледниот Ненад Полимац пишува дека режисерот Драган Бјелогрлиќ постигнал поголем подвиг отколку со неговите две претходни достигнувања.
– Има брилијантна шега за да се забавува со биографијата на Томо Здравковиќ, кој не беше баш класичен „фолк“ – наведува Полимац.
„Преферираше балади наменети за сите типови слушатели, беше ценет и од љубителите на популарната музика. Неговиот живот бил доста бу рен.
Полимац тврди дека во филмот има дел „кој изгледа потекнува од филм на Емир Кустурица“, а „Тома“ има и „директна амбиција да биде портрет на Југославија во тоа време“. Критичарот, пред се, е во право кога тврди дека на гледачот, иако филмот трае речиси два и пол часа, во кино не му е баш досадно, а тоа се виде на првата проекција во Загреб.
Филмот како што е познато игра и во Македонија, во Словенија, во Босна и Херцеговина и во Цртна Гора и го гледале повеќе од 700 илајди гледачи. Го има гледано и Симеон Атанасов, синот на Есма и на Стево Теодосиевски кој изреагира луто на својот Фејсбук профил откако им се обрати на надлежните.
-Господо од “власта”. Штотуку го одгледав филмот посветен на легендата Тома Здравковиќ.Секоја чест на целата екипа предводена од маестралниот Бјелогрлиќ. Уште еднаш власта од Србија покажа колку си ги почитува своите уметници.
Ова ме потсетува на времето кога на Есма и Стево Теодосиевски во 1990 година, тогашната власт им велеше:”Останете во Белград,ние ќе ви изградиме музеј каде што ќе посакате.
“Но,Стево Теодосиевски беше голем патриот и сакаше целото свое творештво да го остави на Македонија. Жално и срамно! Господо од “власта” освестете се.
Врвни уметници ви оставија готов објект кој што беше спремен за музеј, и додека вие се мислите,се про падна, се фрли во вода долгогодишна работа на Есма и Стево Теодосиевски.
Што се однесува за филм, секоја чест на сите уметници, но убеден сум дека ни еден нема приказна во која стои дека едно мало ром ско девојче кое чистело скали, за да има пари да оди на кино и куклен театар, почнува да пее прв пат на свој мајчин јазик, го запознава својот ментор, иден сопруг, основање на ансамблот, селење во Белград бидејќи се забранети во ТВ СКОПЈЕ, правење светска кариера, многубројни награди.
А што е најважно единствени кои што изчуваа, школуваа преку 40 деца. Ова е само дел од историјата на Есма и Стево Теодосиевски.
Јас нема да престанам, ќе се борам овие две имиња да не се заборават, не само што се отвори спомен соба во Брисел, истата егзибиција ќе патува низ цела Европа. Секако ако не може тука,ќе направиме филм некаде каде што многу повеќе ги почитуваат овие двајца великани“ изјави Симеон на Фесјбук.
