Македонскиот епидемиолог Бабачиќ кој работи во Шведска разјасни многу дилеми во врска со имунизацијата

0

Д-р Харис Бабачиќ, еден од најперспективните македонски епидемиолози, кој работи на Каролинска институтот во Шведска, на својот профил на социјалните мрежи, разјасни многу дилеми кои ги имаат граѓаните, а се однесуваат на имунизацијата:




-КАКО И ВАКЦИНИРАНИ ЛУЃЕ МОЖАТ ДА ПОЧ ИНАТ ОД КОВИД-19?

Веќе се забележуваат промени во епидемиолошката состојба кои укажуваат на нов бран. Сезонскиот ефект веројатно ќе го забави бранот за време на август, но тоа веројатно ќе се смени од септември натака доколку немаме вакцинирано доминантен дел од популацијата – над 90%.




Сепак, доколку ги вакцинираме повеќето највозрасни и ранливи категории, не очекувам да новиот бран во пораст на случаи биде проследен со пропорционално ист пораст на хоспитализации и починати како во претходните бранови.




Во поглед на случајот на вакциниран човек кој се заразил и починал од КОВИД-19 што доведе до некаква паника во јавноста, чувствувам потреба да појаснам што всушност високата ефикасност на вакцините во спречување смртен исход од КОВИД-19 значи…




Не познавам процедура која гарантира апсолутна (100%) заштита од некоја болест или упокојување во било кое поле, па ни во медицината. Така е и со вакцините. Како што претходно имам пишувано, студиите за процена на ефикасност можат да проценат дека некоја вакцина е 100% ефикасна во даден експериментален дизајн,




но во реалноста, најчесто се случува да вистинската ефикасност на ниво на популација (која ја нарекуваме ефективност) е неколку проценти пониска. Па така на пример првично проценета ефикасност, во реалноста може да варира од рецимо 93% до 99.99% (илустративен пример). Што тоа значи?




Најупростено, 99% ефикасност во спречување на упокојување од КОВИД-19 би значело дека ако од 100,000 невакцинирани би ни поч инале 1,000 луѓе, од 100,000 вакцинирани ќе ни поч инат 10 луѓе, доколку се заразат.




Така да не значи дека нема никогаш повеќе да видиме луѓе да поч инуваат од КОВИД-19 доколку сите ги вакцинираме. Ќе гледаме, но разликата ќе биде ОГРОМНА споредбено со тоа ако не сме ги вакцинирале луѓето.




Разликата е огромна и ако таа ефикасност е на пример 90% – во дадениот пример, тоа се 900 спасени животи на 100,000 вакцинирани. Се надевам дека ова ќе ги разреши дилемите во јавноста доколку имало некакви забуни. Вакцините делуваат.




Претходна статијаЛепа Брена доаѓа во Македонија пред Илинден, ќе се дружи со двајца познати македонци
Следна статијаМиа се пресели на море и планира куќа со базен (ФОТО)