Македонскиот Претседател Стево Пендаровски деновиве е во Хрватска заедно со сопругата Елизабета Ѓоргиевска. Таму се сретнаа со Претседателот на Хрватска Зоран Милановиќ, во придружба со сопругата Сања Мусиќ Милановиќ.
Милановиќ и Сања ја пречекаа претседателската двојка од Македонија во Пантовчак. Елизабета, откако е сопруга на Претседателот е на мета на јавноста, особено за тоа како се облекува.
Елизабета Ѓоргиевска работи на Клиниката за детска и превентивна стоматологија и е професорка на Стоматолошкиот факултет при УКИМ во Скопје, но е позната и по својата хуманитарна работа.
-Она што најмногу ме погодува се многубројните пораки на луѓето кои имаат проблеми, засегнати се од бол-ести, невработени или погодени од сиромаштијата.
Знаев дека ги има многу, но сега имам поинтензивна комуникација токму со ранливите групи. Луѓето ми се обраќаат за помош и за да ме запознаат со комплексноста на нивните проблеми.
Од позиција на сопруга на претседателот на државата, честопати сум немоќна формално да помогнам, но секогаш можам да ги ислушам. Со добар збор и човечки пристап да помогнам во застапување на послабите и да се обидам да се ангажирам со сите сили за наоѓање решение. Тоа многу им значи на луѓето.“, изјави таа во едно интерву за Женски магазин.
-Растев во скромно семејство. На моите родители секогаш им беше најважна нашата среќа и даваа сѐ од себе да ни обезбедат безгрижно детство. Беа доста строги, но тоа ме научи на самодисциплина, трудољубивост, работа и грижа за другиот“, рече таа во истото интервју.
Потоа, искоментира како го запознала својот сопруг, Стево Пендаровски, а искоментира и за нејзиниот стил на облекување.
– Со Стево се запознавме преку заеднички пријатели. Тој имаше особини кои ги ценам кај луѓето: чесен, сочувствителен, непосреден, духовит и интелигентен. Или, едноставно кажано, добар човек на кој можев да се потпрам и во најтешки моменти.
Сметам дека облеката одамна не служи само за да го покрие нашето тело, туку преку неа треба да се потрудиме да испратиме и некаква порака“.
Таа на средбата со Претседателот на Хрватска облече интересен фустан во сина боја кој одлично и стои. Сликите кои ги објави на Инстаграм се со првата дама на Хрватска Сања, а таа е облечена во виолетово сина комбинација.
