Перо Антиќ е секогаш интересен за јавноста, и поради неговиот успешен НБА ангажман, и поради кошаркарските успеси, но и поради приватниот живот.
Тој неодамна беше гостин во емисијата „Жешко столче“ со Никола Трпковски и зборуваше за многу приватни и професионални предизвици.
Разговорот почна од тоа како Перо од обично момче станал НБА ѕвезда. „Јас сум обичен човек, обично дете од центар. Едноставно, сите сме исти, без разлика што работиме. Едноставно, треба секој да да се почитува“, рече Антиќ.
Перо рече дека се изненадил кога го поканиле во НБА, затоа што имал 32 години и не сакал да „му закуцаваат помлади“, како што рече..
„Знаеш кај нас како е, прва тема на маса, ако те закуца. Спонтано излезе и не сакав да бидам еден од тие што имале шанса да отидат а не отишле“, изјави Перо.
„Имав јас и претходно понуди, ама ги бирав парите, искрен да бидам. Трета мајка важи. Избрав да одам за помалку пари ама да го прифатам предизикот“, рече Перо.
Потоа додаде дека во исто време кога заминал во НБА, имал и понуда да оди во „Барселона“, но менаџерот му ја сменил кариерата на подобро.
„Со менаџерот не се слушаме после 10, а тој ми се јави во 11. Сакаш да одиш во НБА? Јас му викам: Што, Барселона пропадна? Не, само така те прашувам. И буквално испадна за пет минути да одам во НБА“, раскажа Перо Антиќ.
За своите три сина, Перо рече дека во ниту еден од нив не го гледа својот наследник. Лука и Павел се во кошарката, но тој не им прави никаков притисок, туку им дава поддршка правилно да се развиваат.
Перо за себе си рече дека е бунтовник со причина. „Таков е мојот карактер, имам и тетоважа: Мој живот, мои правила, но не со глава во ѕид. Сам создавам за себе и за својата фамилија и мислам дека треба да ги следам своите правила.
Секогаш главата горе, животот е школо. Ако ја спуштиш, значи нешто те натерало“, одговори Антиќ.
– За тебе има многу трачеви и озборувања, ти пречи ли тоа“, го праша водителот. „Ни најмалку. Ми пречи кога ќе им снема имагинација на луѓето. Едноставно ги чекам да идат подалеку.“
– Единствена девојка којашто ја прошета јавно по рзводот е девојката којашто одеше по модните писти.
Дали е вистина дека каде што има чад има и оган“, го праша водителот Перо, алудирајќи на муабетите дека е во врска со Катарина Ивановска.
– Кај што има чад има секогаш оган, ама не знам за кои писти збориш. За модните? Мислам, пратам мода, колку што можам пратам мода, се нодам со модата, во Америка живеев“, рече Перо, а водителот искоментира дека Америка е центар на модата.
И Катарина беше гостинка во истата емисија и доби слично прашање од водителот.
Катарина откри дека е голем љубитеол на спортот, затоа што потекнува од спорстко семејство, татко ѝ е познат ракометар, Кире Ивановски, мајка ѝ тренирала карате, а ракомет тренирала и нејзината сестра. Катарина рече дека пробувала и гимнастика, и одбојка и пливање и тенис.
Потоа водителот Никола Трпкоски продолжи да ја прашува за спортот, за да дојде до крајните прашаења кои се најинтересни. Ја праша дали има омилен спорт, а Катарина рече: „Тенис, трчање, трчав полумаратон во Скопје, во Америка, во Њујорк, и за мене, тоа е една рутинска работа како миење на заби на пример“.
– Можеби кошарка ти е омилениот спорт“, продолжи водителот. “Не, зошто?“, одговори Катарина.
– Се шушка дека во последно време најудобно си се осеќала во дресот со бројот 6“, беше следното прашање на Никола, а Катарина на ова му го одговори следното:
-Леле, не знам што е број шест“, и тоа го кажа низ многу смеење.
Но, денес Перо Антиќ на својот Инстаграм објави стори со Катарина Ивановска, и со ова најверојатно им дава одговор на сите овие прашања. „Време е за ручек“, напиша Антиќ. И Катарина исто така го сподели сторито на Перо.
Фото: Јутјуб принтскрин, Инстаграм принтскрин
