Дебарлиева се подмладува, стана модел

Билјана Дебарлиева е долги години на ТВ екраните, и важи за една од нашите најпопуларни презентерки и водителки. Таа е една од оние наши јавни личности на кои многумина им се восхитуваат.

Секогаш умерена, елегантна и со одлична дикција, тоа ја одликува Билјана која е сега дел од екипата на Канал 5 телевизија.

Македонската водителка и ТВ-презентерка, Билјана Дебарлиева, е во складен брак со Јован Дебарлиев веќе 26 години.

Кога славеа 25 години, нејзиниот сопруг Јован на социјалните мрежи објави нивна заедничка фотографија додека ја одбележувале годишнината во еден скопски ресторан.

Токму тоа беше и причината, естрадниот магазин Бекстејџ да поразговара со неа. Таа сподели интересни ситуации од нивната младост и истакна:

– Јован не смееше да ме држи за рака додека се шетавме, затоа што не сакав луѓето да зборуваат дека имам дечко. Потоа додаде:

– Децата пораснаа и се тргнаа од нас. Секој по својот пат. Со Јован останавме сами, сами одиме и на одмор…

Дебарлиева е горда мајка на Ана, која е економист и има 27 години, и Мики, кој е основец и има 15 години. Она за што секогаш добива комплименти, освен изгледот, е и дикцијата и негувањето на литературниот македонски јазик пред Тв гледачите.

„Тие се во возраст кога веќе не сум во ситуација да им дозволам или да им забранам нешто, едноставно сами го прават својот избор; но со претходна добра основа што сме им ја дале и јас и мојот сопруг.

Телефонот и компјутерот се за забава, но и за извршување училишни работи и други обврски. Без нив не се може во денешно време“, има изјавено Билјана за своите деца за „Деца.мк“.

За сопругот Јован, таа вели: „Се запознавме во Охрид, мојот роден град. За време на летниот одмор, сосема случајно се запознавме. Јас на гости кај моите братучетки, а тој кај неговите другари охриѓани.

И така веројатно требало да биде. Од една сосема случајна средба, тоа прерасна во убава приказна која трае и денес“, раскажа Дебарлиева.

Минатата година, кога прослави роденден, многумина и рекоа дека ретко кој би ѝ дал 48 години. Меѓу многуте честитки кои ги доби на Фејсбук доминира онаа од сопругот Јован.

Тој ѝ напишал Среќен роденден на многу јазици, и споделил форографии од нивните заеднички моменти за паметење. На овој убав гест позитивно реагираа многу нивни блиски.

Дебарлиева денеска објави слика на Фејсбук на која таа игледа фантастично. Билјана е во улога на модел, таа рекламира познат домашен моден бренд и многумина ѝ честитаат што така добро изгледа.

Фото: Фејсбук принтскрин, Јутјуб принтскрин

Претходна статијаИзникнав како Феникс од пепелта: Пејачката Јулија ја отвори душата
Следна статијаПомина низ многу тежок период и едвај се извади: Што прави сега ќерката на Мишо Ковач