Талат Џафери, претседателот на Собранието за својата работа изјави дека е многу сепцифична оти бара точност и однесување по протокол. Џафери беше гостин во емисијата „Магазин“ на Сител.
– Секоја работа има своја тежина, но кога ќе се прифати, треба да се мисли претходно, дали сте за тоа или не сте, и откако ќе се прифати, потоа веќе нема тешко или лесно и мора да се одговори на обврските“, рече Џафери. Освен за работата, тој зборуваше и за приватни теми.
– Јас живеам во село Форино гостиварско, патувам секој ден до Скопје, живеам во заедница со сопругата, синот и снаата сега, ќерката која што се омажи отиде во свој дом. Од пред шест месеци како што знаете станав дедо првпат, од страната на ќерката, внук добивме.
Неодамна, пред седум дена од снаата добивме внука, се надополнува фамилијата. Обврските коишто се службени не оставаат многу време да се биде дома, но, сопругата тоа го надополнува, и го надополнувала.
Сега, децата веќе се возрасни, мажени, женети и тие се бават со сопствените деца. Како дедо, како баба се наоѓаме, повеќе сопругата.
Јас колку што времето ми дозволува, кога сум дома, прво ќе се видам со нив, па се останато. Денот е толку, 24 часа се малку, но мора да се испланираат, но се надополнуваме“, рече Џафери и зборуваше за неговото родно село.
– Форино е во подножето на Сува гора, за жал сезонски знае да пресуши изворот. Секако дека родното место си го сакам, и откако се вратив во 1991 од бивша ЈНА, постојано претстојувам таму.
Секако дека посакувам да сум со селаните, во секоја прилика, но сега за жал, со оваа фукнција, рано одам за Скопје доцна доаѓам назад. Кратко и невозможно е секогаш да се најдеме, но секоја прилика ја користам да бидам со селаните.
Тоа е село од 6.000 жители, има кафулиња, има чајџилници, колку што условите дозволуваат, се сретнуваме, си ги играме сите игри што ги играат и младите и постарите, така да, не бирам каде и со кого. Јас како што знаете рано сум отишол од родното село, 15 ипол, 16 години заминав во Белград на школување, се вратив на 31, 32 години.
И тоа ми беше како поука, од родното место да не се оди. Спомените секако се непроценливи, но дома си е дома, и со децата секогаш сум зборувал, што и да прават каде и да одат, да бидат секогаш во родното место.
Можеби перцепциите некогаш се поинакви, но треба да си бидат задоволни од она што го имаат во животот, зашто животот таков е, треба да се живее и треба да се остави зад себе, и тоа е таа работа што со децата секогаш ја зборувам“, рече Џафери.
Потоа, тој се наврати на времето кога на 15 годишна возраст заминал за Белград на школкување. „Јас заминав без да знам збор српско-хрватски, во нова средина, во нови околности, интернатско школување, со колеги, војнички живот, и средно и Академија. Но, секако ако сте решени да го направите тоа што го сакате, другото ќе ве следи од страна.
При посета на Белград, го сретнав и класниот којшто тогаш бил во средното, сега е пензионер, професор по математика, којшто тогаш, можеби во тие тешки денови беше еден од тие професори којшто не водеше во смисла да бидеме прифатеми и да не се чувствуваме отстранети“, раскажа Џафери и рече дека негува пријателства од тоа време.
Џафери зборуваше и за неговата сопруга и за тоа како се запознале. „Ние се запознавме уште од школски денови, и таа врска си ја одржувавме, јас отидов за Белград и продолживме таа врска да ја одржуваме и ја крунисавме со брак, подолг период, значи цел живот сме заедно“, рече Џафери.
Во продолжение за него зборуваше пејачката Биг Мама која рече дека водителката Јана во моментов го има најтоп политичарот во студио. „Како што изгледа строг, не е таков.
Првпат кога го гледав на телевија, кога го немав запознаено, имав некоја антипатија, и можам а кажам дека ми беше најантипатичен политичар. И кога се запознавме, кога за првпат ми гостуваше во емисија се мислев каков ќе биде.
Еј, јас сакам забавни луѓе, јас сакам забавни политичари. И не замислував дека тој може да биде толку забавен, толку прифатлив за сите генерации, толку фер човек, човек од збор.
Тој ги профаќа сите шеги, и тој се шегува на негова сметка, приватно е друг човек, тој е многу забавен, секогаш кога сме биле заедно сме збореле за музика, за забава. Не сме збореле воопшто за политика.
Можам да кажам дека е меѓу најтоп луѓе што сум ги запознала. Порано сум имала многу антипатии, а сега ми е најомилен и најмногу што го обожавам од политилчарите. Знам дека тој најмногу сака староградска музика, тоа најмногу му се допаѓа“.
Потоа, пејачката го имитираше каков е кога ќе се изнервира во саобранието. „Ало, седите бре луѓе“. Потоа, Биг мама рече дека ќе му постави најтешкото прашање на Џафери: Господине претседателе, после емисија, дали ќе ме носиш на кафе, по што тој одговори: Секако!
Потоа, Фејсбук страницата на емисијата „Магазин“ објави фотографија од Џафери и од Биг Мама како пијат кафе во неговиот кабиент и напишаа:
Претседателот Џафери го исполни ветувањето што во ,,Магазин” и го даде на Биг Мама. Заедничко кафе, после емисија! Магазин – ги спојува луѓето.
Фото: Јутјуб принсткрин, Инстаграм на Биг Мама
