Со специјален воен каргоавион, унгарскиот министер за надворешни работи, Петер Сијарто, допатува во земјава директно до Унгарија со пакети помош од 100 илјади заштитни маски и 5 илјади заштитни скафандери.
Сијарто на скопскиот аеродром беше пречекан од вицепремиерот задолжен за европски прашања, Бујар Османи.
Македонија и Унгарија имаат одлична билатерална соработка, за што сведочи и денешната поддршка, која во вакви застрашувачки времиња, кога секој се бори да обезбеди средства за сопствени потреби, покажаа навистина несебична солидарност од страна на Република Унгарија, изјави Османи, упатувајќи лична благодарност до министерот Петар Сијарто за севкупната поддршка на Република Унгарија за земјава.
По пречекот, во просториите на самиот аеродром, Османи оствари и билатарелана работна средба, на која беа разменети информации и за натамошните чекори во однос на европската агенда на земјава по добивањето на одлуката за почеток на преговорите со ЕУ, процесот на формирањето на преговарачката рамка, како и подготовката на земјата за самиот почеток на преговорите.
🇲🇰 🇭🇺 Добредојде за Министерот за надворешни работи на Унгарија. Состојбата поврзана со пандемијата од Covid19 бара…
Публикувахте от Наќе Чулев в Понеделник, 6 април 2020 г.
Дозволете да се заблагодарам за цврстата и гласна поддршка за нашите европски интеграции, вклучувајќи ја тука и навистина успешната мисија на еврокомесарот за проширување Вархеји, кому најмногу може да му се препише заслугата за експресното усогласување на новата методологија и, секако, исправањето на грешката од ноември минатата година преку одлуката на ЕУ за почеток на преговорите со земјава , истакна Османи, посочувајќи дека Македонија, и покрај предизвикот во справувањето со КОВИД19, соодветно ќе се подготви и адаптира за почеток на преговорите.
Техничкиот Министер за внатрешни работ на Македонија, Наќе Чулев на својот профил на „Фејсбук“ сподели:
Добредојде за Министерот за надворешни работи на Унгарија.
Состојбата поврзана со пандемијата од Covid19 бара сплотеност, поддршка и разменување на искуства со нашите пријатели од целиот свет.
Со цел операционализација на оваа помош, но и разменување на ставовите и гледиштата поврзани со соодветна превенција денес му посакав добредојде на Минстерот за надворешни работи на Унгарија, Н.Е. Петер Сијарто.
Во текот на денот ќе оствариме билатерална средба во Министерството за внатрешни работи.
