Евангелистички свештеник починал од КОВИД-19 само неколку недели откако гордо покажа колку е преполна неговата црква во Вирџинија – и откако се заколна дека ќе одржува служби „освен ако не е во затвор или во болница“.
Во неговата последна служба на 22 март, свештеникот Џералд О. Глен ги повика верниците во Евангелистичката црква, за да покаже колку има и покрај забраната за собирање на повеќе од 10 лица.
– Цврсто верувам дека Бог е поголем од овој ужасен вирус. Може да ме држите за збор“, рече тој, додавајќи дека„ луѓето се исцелиле “во неговата црква.
Во неделата, неговата црква објави дека „со многу тажно и тешко срце“ пасторот починал една недела откако му бил дијагностициран КОВИД-19. Неговата сопруга Марсиета Глен е исто така болна од вирусот.
Како и во повеќето држави, забраната за црковни обреди во време на пандемијата на коронавирус беше воведена и од Грција.
И во Грција, одредени свештеници ја прекршија забраната, по што локалните власти веднаш покренаа постапка против нив.
Грчката влада веднаш побара од обвинителството да покрене постапка против двајцата свештеници кои одржувале богослужба и покрај забраната. Едниот е свештеник од Атина , а другиот од островот Крф.
Грчка Катимерини известува дека свештеник од Атина бил снимен од соседната зграда во тајност како комуницира со луѓе.
“Она што се случи денес во црквите во Атина и Крф е кршење на законот со кој се става во опасност животот на граѓаните и јавното здравје. Се јавив кај министерот за правда и побарав одредени лица да бидат изведени пред суд”, потврди Никос Хардалиас, заменик министер за цивилна заштита во Грција, пренесува Екатимерини.
Грчката влада ги забрани сите големи собири, вклучително и црковните обреди, во борбата против коронавирусот. Црквите се отворени само за индивидуални молитви, а високи претставници на Грчката православна црква ги повикаа луѓето да останат во своите домови.
