Времето денеска ќе биде променливо облачно и потопло, а по одделни котлини ќе има услови за појава на магла. Потоплото време ќе предизвика и нагло топење на снежната покривка.
Температурата ќе се движи од осум до 16 степени.
Територијата на нашата држава и понатаму ќе биде под влијание на јужно и југозападно воздушно струење кое ќе условува транспорт на прашина и на песок од Сахара, информира метеорологот Славчо Попоски.
Времето ќе биде умерено до значително облачно а во текот на ноќта како и утре ќе има повремен локален дожд а има услови и за ретка појава на грмежи а исто така до крајот на денов ќе дува и умерен до засилен ветер од југоисточен правец кој на некои места повремено ќе достигнува брзина од над 60 км/час.
Температурите на воздухот ќе бидат константно над нулата и наутро ќе се спуштаат во интервалот од 2 до 9 степени додека маскималните ќе бидат невообичаено високи и ќе се искачуваат во интервалот од 10 до 17 степени, да напоменеме дека овие температури се повисоки од нормалните дури за околу 10 степени.
Поради високата влажност во воздухот која ќе ја имаме понатаму, но и поради африканскиот песок и прашина времето ќе биде доста спарно и мачно, но и атмосферата ќе биде заматена и тоа поради Сахарската песок.
Инаку за разлика од кај нас во соседна Албанија и Грција температурите овие денови ќе се искачат дури и до околу па и над 20 степени, исто така невообичаено топол бран ќе ја зафати и Турција и ќе услови температурите да се искачат над 20 степени.
Од среда се очекува да бидеме под северно воздушно струење, ветерот ќе го промени правецот во северен и ќе се засилува, а со ќтоа е предизвика расејување на маглата.
Во понеделник ќе има локални врнежи од дожд, но со слаб интензитет. Нешто повеќе врнежи се очекуваат во среда, кога поради благо заладување, на планините, а и на некои повисоки места врнежите ќе бидат од снег.
Минималните од среда ќе паднат и под нулата во утринските часови, а дневната ќе биде од два до 13 степени.
