Ширум Македонија полицијата на нозе: Пратениците кои гласаа „за“ се чуваат дома

0

Осуммината пратеници од опозициските редови кои вчера во Парламентот ги подржаа уставните измени, од синоќа се под засилено полициско обезбедување.

Меѓу нив под полициска заштита е и домот на еден од охридските пратеници. Камерата на ТВ 24 утринава забележа полициско возило пред неговата семејна куќа, а од МВР потврдија дека под обезбедување се и останатите пратеници.

„Се преземаат стандардни мерки за гарантирање на безбедноста. МВР ја гарантира безбедноста на сите граѓани и секако на пратениците” – велат од МВР.

Инаку освен охридските и останатите шест пратеници од опозициските редови кои гласаа „За“ уставните измени од синоќа се изложени на големи притисоци, навреди и омаловажувања во јавноста, од свои сопартијци и приврзаници на партијата на социјалните мрежи ословувани како предавници на македонскиот народ.

Не се само овие осум пратеници кои полицијата ги надгледува, истото е и со сите пратеници од СДСМ и коалицијата кои исто гласаа „ЗА“.

Претходна статијаСДСМ: Мицкоски, Груевски и ВМРО-ДПМНЕ носат само зло, поделби, криминал и сиромаштија
Следна статијаНа Јеца Карлеуша и падна секирата во мед – Тошиќ и купил куќа од 2.5 милиони евра