Дани Димитровска е позната по многу хитови, интересен стајлинг, таа е мајка на Лазар, но никогаш јавно не зборува за својот приватен живот, всушност, многу ретко.
-Имам здраво неконвенционално семејство, сочинето од партнер, син, брат, снаа, внуци и родители кои безизмерно ги обожувам. Живеам во мир и среќата ми е избор. Ниеден од нив не се занимава со јавна професија ниту има желба за себе истакнување.
Го почитувам нивното единствено право на интима. Мојот партнер и син ги знаете со име и презиме, но која боја им е омилена, дали сакаат кулинарство, кој број на патики носат или што им е хоби се прашања за кои не се троши медиум кој има за цел да инспирира“, рече таа во интервју за Женски магазин.
Потоа, го спомена својот партнер, поранешниот кошаркар Весел кој е сопственик на едно скопско кафуле и за него сосема кусо рече: Со години живеам во хармонија со својот партнер во заедништво.
Дани секогаш има интересни пораки за споделување, било на своите Инстаграм профили, или во своите песни. Во една песна, Дани порача: „Јас не живеам за другите“.
Токму затоа, пејачката е толку своја и по малку бунтовна. Дани е мајка на Лазар кој има 20 години и студира во Холандија.
Дани најави што прво ќе направи откако ќе заврши пандемијата: На малата ширинка што ми е пред зграда и е вистинска реткост од градско зеленило, бендовски ќе прославиме акустично, без помпа и озвучувања. За атер на животот“, рече таа.
Најновото нејзино музичко остварување, сега е во соработка со уште две девојки, Ана и Сара кои се познати придружни вокали и бенд од познати музичари, а составот се вика „Џез вез“.
Дани реши за првпат да преепее стана македонска традиционална песна, а станува збор за Каранфило филфило моме. Дани оваа песна ја пее со многу емоции со својата екипа, и се гледа дека музиката делува многу емотивно на неа.
Имено, таа подголтнува и како секој момент да ќе заплаче додека ги пее стиховите Ти каранфил не носиш моме, ти каранфил не носиш, ти каранфил не носиш моме, на каранфил мирисаш.
Сега дојде на ред втората песна од Дани и ез вез, а станува збор за „Бело лице љубам јас“
Ова е екипата која ѝ помогна на Дани толку убаво да ја испее песната: Сара Пројковска Ана Костадиновска. Аранжман и продуцент: Никола Мицевски. Никола Мицевски – пијано. Оливер Јосифовски – контрабас. Дино Милосављевиќ – тапани. Петар Христов – сопран саксофон. Тонец: Ивица Јанкуловски. Камера: Рики Пејовски
Кој вели дека дани може да пее само поп и роик музика. Изгледа дека тоа што е вљубена и среќна на приватен план и помага вака убаво да пее традиционална македонска музика.
По двете убави песни, пејачката замина на заслужен одмор, во Албанија. Дани објави видео од погледот од милион долари во кој ужива.
Таа и нејзиниот сакан, кој на кратко го покажа во видеото се во Химамара во вила на самата плажа на која како што се гледа нема многу луѓе и личи како да е нивна, приватна.
Секоја чест за изборот, а Дани по се изгледа ќе се изнаужива во оваа убавина и романтика.
