Синоќа д-р Дејан Докиќ гостуваше на Сител телевизија, при што, како координатор на ковид клиниките при Клинички центар, проговори за многу состојби во врска со пандемиската криза.
-Најголем број 80 проценти од лицата кои доаѓаат во тријажните Ковид центри се со лесна клиничка слика и не треба хоспитализација затоа што немаат потреба од кислород.
Доколку кај некој се утврди потреба од хоспитализација од сиптомите се одредува каде има слободно место адекватно за неговата состојба. Ниту еден пациент не е вратен, вели проф. д-р Дејан Докиќ.
Според него, вирулентноста на британскиот сој на корона вирусот кој доминира во земјава заедно со индивидуалната способност на имуниот систем, потоа факторот на возраста и коморбидитетните состојби, се причина за високиот број упокоени.
-Леталитетот кај нас во ковид-центрите на интерните клиники е 25 проценти. Во европски рамки е од 22 до 30, значи ние се наоѓаме некаде на средина од оние бројки коишто се во другите европски земји.
Од тие што поч инале повеќе биле мажи. Старосната група на оние што поч инале најголем број се меѓу 70 и 80 години, па потоа меѓу 60 и 70, значи не е изненадувачки.
Во однос на коморбидни состојби кај тие што починале во најголем процент била застапена хипертензијата или покачениот крвен притисок, па потоа следат кардиоваскуларните заболувања, па дијабетесот, обезноста, респираторните болести, бубрежни болести итн.
Тоа се оние статистики коишто ние ги имаме и варијаблата која што е предиктор на смртта е сатурацијата на крвта со кислород на прием. Колку е пониска толку е поголема шансата да се упокои пациентот.
Сите овие состојби ,заедно со вирулентноста на вирусот придонесуваат да имаме еден ваков леталитет, рече Докиќ во гостувањето на Тема на денот на Сител Телевизија. Тој воедно, подвлекува дека карактеристично за овој мутиран вид на вирусот е што ги на паѓа помладите, а компликаците и влошувања се јавуваат подоцна. Причина за упокојување кај нив се можни проблеми, дефекти на имунолошкиот систем кој не може да се избори со вирусот.
-Оние што пред две недели биле релативно добри, после две недели настанува влошување со можен лош исход. Овие бројки сега се одраз на она што се случувало пред две недели. Сега со намалување на бројката, мерките дополнително тоа ќе го подобрат, тие бројки верувам дека за две недели ќе опаднат, наведе д-р Дејан Докиќ.
Подвлекува дека има доволно број на кревети, но исто така и медицински персонал којшто е спремен да биде ангажиран ако има потреба. Очекува епидемијата да опаѓа но, дополнителен капацитет, има на Институтот за рехабилитација Козле којшто веќе има на призмеје 38 кревети околу 36 се веќе зафатени со пациенти, но има уште два ката кои што се комплетно гасифицирани на централен довод на кислород, со по 38 кревети.
Во однос на имунизацијата, Докиќ посочува дека се уште мал број на луѓе се вакцинирани во државава и сигурно уште долг низ на месеци ќе нема да го имаме посакуваниот колективен имунитет, но смета дека вакцинирањето е еден од најважните начини да се спречи епидемијата не само кај нас, туку во светски рамки, така што треба да се почитуваат сите препораки за вкацинирање.
Освен кај Астра Зенека за која ЕМА и Комитетот за заштита за сигурност на вакцините укажа дека постои редок несакан ефект од вакцинацијата на зголемено згрутчување, кај вакцините што сега ги имаме и што се најавени дека ќе дојдат, вели, не постои некоја контраиндикација за вакцинирање. Единствено вели, се можни алергиски реакции кај многу мал број на пациенти коишто се алергични на составните делови на вакцините.
-На пример полиетилен гликол или некои други конзерванси коишто ја стабилизираат практично вакцината. Оние коишто се алергични на пеницилин или аналгин или апсирин или на некаква храна, или на некакви други лекови или на полени можат да се вакцинираат па макар имале и потешка клиничка слика тогаш кога биле алергични на соодветниот алерген.
Не постои значи контраиндикација но една претпазлвост би требало да постои во смисол на тоа дека тие треба да останат малку подолго време до 30 минути на местото на имунизацијата, а таму се спремни пунктовите со антиш ок терапија, бидејќи тоа е пропис и регулатива.
Така што, не верувам и не сум чул дека во Македонија од кога почна вакцинацијата дека има некаква алергиска реакција при вакцинирањето со која било од вакцините, вели Докиќ.
За информациите во некои медиуми дека, наводно долгото носење маска може да предизвика пневмонија кај пациентите, Докиќ вели дека е апсолутна заблуда мислењето дека носењето маски може да биде штетно по здравјето.
Со вакво тврдење во последните неколку денови, излезе инфектологот, д-р Вело Марковски:
Според него, носење на маска на отворено во многу придонесува за зголемени пневмонии, бидејќи носењето маска на отворено се случува аспирација, која е индикатор за пневмониите.
Овие тврдења на Вело Марковски, во целост ги поби пулмологот Дејан Докиќ, чија специјалност е токму болестите на белите дробови:
– Пневмонијата настанува ако се секретираат и инхалираат бактерии било од долните дишни патишта или од горните, но не игра улога дали носите маска или не. Правени се испотувања во кои да може да најдете некои бактерии од носот на маската но тие во никој случај не можат да направат ниту воспаление на горни ниту на долни дишни патишта во смисол на пневмонија.
Националниот центар за превенција и лечење во Америка укажува дека доколку правилно се употребуваат маските асолутно не претставуваат некој недостаток кај тие пациенти ниту може да предизвика некоја болест, но се разбира, да се носат онолку долго колку што се препорачани и правилно да се употребуваат, вели пулмологот, подвлекувајќи дека покрај маската важни се и дистанцата и хигиената на рацете.
