По лидерската средба и на барање на претседателот на државата Стево Пендаровски, Комисијата за заразни болести го дефинира протоколот за спроведување на изборниот процес за време на кампањата и за време на гласањето во услови со коронавирус пандемија.
Протоколот денеска го министерот за здравство, Венко Филипче.
„Комисијата за заразни болести подготви протокол во четири дела за изборната кампања и изборниот процес кој мора целосно да се спроведува за да се заштити здравјето на граѓаните. За време и пред активностите на изборната кампања треба да се почитуваат правилата за физичка дистанца од 2 метра и да се носи маска.
При одржување собири мора да се почитуваат веќе познатите мерки за превенција и дистанца за да се избегне концентрирање на луѓе на поголем простор“, рече Филипче на денешната прес-конференција.
Со своја реакција на темата избори се јави на Фејсбук, Јорданка Ивановска Јоци која во својот статус го напиша следново:
Македонскиот народ треба да сфати дека корона-кризата ја туркавме со техничка Влада, со вмровски министри и заменици, кои не беа баланс, напротив тежок тег.
По завршување на вонредната состојба, таа техничка Влада ќе ги нема сите овластувања за справување со оваа надреалност и абнормалност од кризата, која уште трае на сите полиња, а на опозицијата тој хаос и` одговара. Затоа што само во хаос се безбедни сите нивни ликови на обвинителни клупи и други кои имаат кривични, заедно со лидерот.
Немаме ни Собрание, кое носи закони. Не е во функција се до избор на нов пратенички состав.
Единствен излез се избори, без да се дава екстра време и простор на залутани ликови во политика, кои, се` повеќе стануваат деструктивни и кочат се`, го растегнуваат ластикот, ги одложуваат деновите до нивен пад, во надеж дека сепак ќе смислат нов план – како да се спасат од обвиненија и судови.
,,И претседателот на Собранието во заминување, Талат Џафери, пред неколку дена изјави дека по завршувањето на вонредната состојба, ДИК, веднаш треба да продолжи со подготовка на изборите.”
