Денеска требаше да биде мојот прв ден од одморот. Но, наместо тоа, тоа е мојот прв ден на боледување, напишала Анастасија Петрова на својот профил на Фејсбук попладнето на 23 март.
„Имав висока температура во текот на ноќта. Ми се појави болка во грлото и имав силна кашлица. Се јавив на лекарот и им одговорив на нивните прашања во врска со моите контакти со луѓе кои се вратиле од странство (имаше тројца, но сите тие беа вратени пред повеќе од две недели)“, продолжи 36-годишната новинарка од Русија.
Таа додаде дека земала ибупрофен во обид да ја намали температурата од 38,4 степени. Половина час подоцна, таа напиша дека дошол лекар за да ја види.
„Таа не влезе. Ми постави прашања за моите симптоми оддалечена на еден метар. Таа вети дека некој ќе дојде да направи тест за коронавирус во текот на денот и ми рече да не го напуштам станот 14 дена“, напиша Петрова на Фејсбук.
Таа вечер Петрова на Фејсбук напиша дека нејзината температура се искачила на 39 степени и дека ништо не помогнало да се намали.
„Никој не дојде да го направи тестот за коронавирус и никој не одговори на моите повици, се разбира. Немам шлајм, но кашлам, напиша таа во раните утрински часови на 24 март.
Петрова посочи дека на својата објава поставила опции за приватност, за да не види нејзината мајка бидејќи не сакала да ја загрижи и јавно замолила никој да не го сподели ова со неа.
Повикала брза помош која ја однела во болница, каде по чинала на 31 март.
Објавите на Петрова, новинарката до крај, на социјалните мрежи и нејзините текстуални пораки до пријателите оставија трогателен опис на нејзините осамени последните денови.
Петрова била алергична на пеницилин и имала неколку тешки воспаленија на плуќа во текот на годините што ѝ ги оштетиле белите дробови.
Во продолжената објава на Фејсбук на 24 март, Петрова напишала дека долго време седела во возилото на брза помош пред болницата за инфективни болести, додека медицинските работници се расправале по телефон за тоа што да прават со неа.
„Тие немаа упатства каде да ги водат луѓето или како. Никој нема јасна идеја за ништо“, напиша Петрова.
Таа на крајот била пренесена во друга болница, каде лекарите ја пцуеле првата болница поради тоа што не ја прифатиле.
