Во своето празнично неделно печатено издание Недељник.рс ја објавува комплетната листа од 100 најбогати луѓе во регионот.
Илија Гечев, сопственикот на компанијата „ИГМ трејд“ од Кавадарци, е единствениот милијардер во Македонија, објави српскиот магазин „Недељник“, кој првпат ја состави листата на 100-те најбогати луѓе во регионот. „Недељник“ вели дека листата не покажува колку пари имаат бизнисмените на сметките, туку колку вредат нивните компании и колку пари потенцијално би можеле да добијат ако ги продадат денес.
Гечев се наоѓа на 18. место на оваа листа, со проценето богатство од 1.054.946.440 евра. Со него се затвора кругот на милијардери во поранешна Југославија, што го предводи хрватскиот „крал на осигурувањето“ Дубравко Гргиќ, кој има богатство од 2,84 милијарди евра.
„ИГМ трејд“ постои од 1994 и важи за една од најголемите извозни компании во Македонија. Произведува челични и заварени цевки и профили и во оваа област е една од најголемите фирми во југоисточна Европа.
„Недељник“ ја состави листата на 100-те најбогати луѓе во регионот во соработка со две реномирани консултантски фирми кои работат на њујоршката берза. Со исклучок на Гечев, меѓу најбогатите 20-мина се наоѓаат само бизнисмени од Хрватска и Србија.
Листата на 100-те најбогати во регионот ја составија експерти од две реномирани консултантски фирми кои работат на Њујоршката берза. Тие ги користеа најавторитетните множители од Stern School of Business New York University (и компаративните компании) и ги вклучија во анализата резултатите од пазарните трансакции во регионот и светот.
Во првиот дел на листата на милијардери од регионот, на 18. место се најде бизнисменот од Кавадарци Илија Гечев, сопственик на ИГМ Трејд чие богатство се проценува на милијарда и 60 милиони евра.
На листата објавена денеска од 31-то до 40 место, но на милионери се најде бизнисменот Живко Мукаетов, генерален директор и претседател на Управниот одбор на фармацевтскиот гигант АД Алкалоид од Скопје. Неговото богатство се проценува на 651.330.000 евра и тој е на 38. место.
Во овој дел од листата на 100 најбогати во регионот, доминираат бизнисмени од Хрватска и Србија но има и една бизнис империја од БиХ, семејството Хастор.
Листата на најбогати во регионот/Фото: Недељник.рс
-Со оваа листа не сакавме да покажеме колку пари имаат овие бизнисмени во моментов. Она што го покажуваме е колку вредат нивните компании и колку пари би можеле да добијат ако, да речеме, денес се продаваат, напоменува Недељник.
Листата на 100-те најбогати во регионот е реализирана во соработка со водечките медиуми во регионот: словенечкиот дневен весник Finance (и порталот Finance Manager), хрватскиот економски неделник Лидер, босанскиот неделник Дани (Ослобоѓење) и реномирана медиумска куќа од Северна Македонија, која сакаше да остане анонимна.
