Драгана Мирковиќ е една од најпознатите пејачки во Србија и во дијаспората.
Иако многумина на почетокот од кариерата и се потсмеваа на изгледот, таа сега е една од жените со одличен стил.
Драгана повеќе од дваесет години не живее во Србија. Таа е во Виена заедно со сопругот Тони Бијелиќ, кој има свој приватен бизнис, и со децата Мануела и Марко.
Куќата во која живее Драгана е како од бајките, таа има свој приватен спа центар. Куќата има неколку спални соби, базен, дрвени скали, бања украсена со Сваровски кристали, приватна сауна и префинет италијански мебел.
Во куќата, Драгана и Тони имаат и свој приватен базен. Бањата е украсена со Сваровски кристали.
За декорацијата и за стилот на куќата, пејачката вели дека се погрижил Тони, а тој и ги исполнил сите желби.
Без оглед што живее во луксуз, за Драгана велат дека е многу скромна личност и сака да се дружи. Една од нејзините добри пријателки е и Лепа Брена.
Минатото лето, Драгана и Лепа Брена и семејно се дружеа во Монако и во Монте Карло.
Популарната Драгана во јануари прослави роденден, а по тој повод се огласи на својот Инстаграм профил.
Нејзината објава предизвика многу коментари, бидејќи посака нешто што им недостасуваше на сите во времето на вирусот, и сите се најдоа во нејзините мисли.
„Денес ми е роденден и имам право да посакам желба. Сакам нашите животи да се вратат кај нас, децата повторно да имаат детство без мас ки, и луѓето да се прегрнуваат и бакнуваат, сакам … Сакам да ЖИВЕЕМЕ ПОВТОРНО. – напиша пејачката и предизвика лавина коментари и лајкови.
Не е тајна дека Драгана Мирковиќ и Жан -Клод Ван Дам се големи пријатели многу години, а последниот коментар што актерот ѝ го остави на легендарнта пејачка само потврдува дека тие си се драги еден на друг.
Мирковиќ објави убав пролетен колаж од фотографии – го посети австрискиот град Херштајн и позираше на тревата полна со цвеќиња.
„Еден прекрасен ден во природа“, напиша Мирковиќ во својот пост. Ван Дам реагираше во коментарите.
„Изгледаш убаво, како и секогаш“, ѝ рече актерот на својата долгогодишна пријателка.
Фотографијата има над илјада лајкови, а многумина забележаа дека Ван Дам е меѓу коментаторите.
Да потсетиме, Ван Дам и Мирковиќ случајно се сретнаа во Виена. Популарниот актер веќе неколку пати ја рекламира Драгана на социјалните мрежи, а не крие дека е обожавател на нејзината музика.
Драгана, исто така, никогаш не пропушта да му го честита на Ван Дам секој празник, како и родендените.
Фото: Фејсбук принтскрин, Инстаграм принтскрин, Јутјуб принтскрин
