Главниот лик од документарецот „Медена земја“, Атиџе Муратова се уште предизвикува интерес во јавноста, главно поради нејзината скромност и непосредност.
Од апсолутно непознат лик, Атиџе Муратова стана планетарно славна преку улогата наглавниот лик од „Медена земја“. Скромна, едноставна, стигна дури и до Холивуд, а по низата ангажмани и обврски, потоа повторно се сврте на секојдневниот живот во селото Бекирлија.
Документарниот филм „Медена земја“ на режисерите Љубомир Стефанов и Тамара Котевска, преку несекојдневната животна приказна на Атиџе ја пренесува пораката на жената која живее во симбиоза со природата.
Атиџе покажа дека е и талентирана за музика, и во филмот, и и со настапот на „Златна Бубамара на популарноста“ минатата година кога ја крена целата сала на нозе изведувајќи македонски народни песни.
Она по што е препознатлива е медот на Атиџе и домашниот прополис кои ги прави. Последниве месеци, Атиџе интензивно се дружи со писателката, водителка, наставник по музичко и пејачка Сузана Турунџиева.
„Оваа жена е бесценета за нашата земја… Најголемото богатство кое таа го поседува е нејзиното ДОСТОИНСТВО и доброто срце“, рече Сузана за Атиџе.
„Во овие неизвесни пандемиски денови, научив редовно да наздравувам со домашен прополис, и воопшто не било лошо.
Напротив, среќна сум што го открив лекот на иднината и чудесната моќ на пчелините производи!“, рече Турунџиева.
Сузана помогна да се изгради куќата на Атиџе во селото Дорфулија и им се заблагодари на сите хумани луѓе што помогнаа.
Атиџе е сега дома, а Сузана ја посетува, па така беше и на празникот Рамазан Бајрам, кога Сузана на Фејсбук објави:
#СреќнаСреда го направи овој мајски ден посебен… Последни подготовки пред големиот празник Рамазан Бајрам!
Подароците навреме доставени и сервирани на новата трпезарија на Атиџе“, рече Сузе.
Сузана објави слика од новиот бизнис на Атиџе.
Имено, таа отсега ќе почне да одгледува и зеленчук, со цел за поздрава храна од домашната бафча, но и за егзистенција.
Кралицата на пчелите премиерно оваа година ќе одгледува пиперки и патлиџан под фолија. Аирлија нека е, да и се множат плодовите“, најави Турунџиева.
Фото: Фејсбук принтскрин
