Грција минатото лето претрпе огромни економски загуби поради затворањето на земјата за туристи, за оваа сезона најавува дека најверојатно ќе биде дозволен влез на туристи со негативен тест, а оние кои ќе покажат доказ за имунизација, би имале отворен влез во земјата, без тест.
Велика Британија, САД, Австралија, Србија, Русија, Украина, Кина, Обединетите Арапски Емирати и Саудиска Арабија, се десетте земји со кои Грција веќе разговара на билатерално ниво за сертификатот за вакцинација, вели министерот за туризам на Грција Харис Теохарис.
Во интервјуто за викенд изданието на грчкиот електронски весник „Political“ пред две недели, Теохарис рече дека дигиталниот сертификат за вакцинација на билатерално ниво „ќе биде една од главните алатки преку кои ќе можеме да го отвориме протокот на туристи со разни земји“.
– Очигледно би преферирале да постои еден автоматски процес со сите земји, но под сегашните околности ваквите билатерални договори се неопходни. Имаме намера да го прошириме „моделот на Израел“ со најважните туристички земји за нас, соодветно нивниот план.
Затоа, составивме листа од 10 земји, а тоа се Велика Британија, САД, Канада, Австралија, Србија, Русија, Украина, Кина, Обединетите Арапски Емирати и Саудиска Арабија и со кои веќе сме во консултации, за да можеме за кратко време да бидеме во позиција да го утврдиме форматот, видот и начинот на проверка на автентичноста на овие сертификати, вели Теохарис.
За можноста да постои договор во рамките на ЕУ, министерот за туризам на Грција објаснува дека е позитивно тоа што грчкиот предлог добива сè повеќе сојузници во Унијата и истакнува дека Грција го задржува правото сертификатот за вакцинација да биде алтернатива на негативниот тест.
–За да ги расчистиме заблудите, треба да разјасниме дека овој сертификат нема исти карактеристики како еден вид пасош, па затоа не се покренува прашање за задолжителна вакцинација за оној кој сака да патува.
Напротив, целта е да се отстрани дел од бирократијата, како што е негативниот тест пред поаѓањето. Во однос на дискусиите околу личните податоци, наједноставниот одговор е и најубедлив.
Не постои обврска да се покаже потврдата за вакцинација, секогаш постои алтернативата со негативен тест за секој што сака да патува, објасни тогаш министерот за туризам на Грција.
Денес српските медиуми пренесуваат дека министерството за туризам е во преговори за систематизација на брановидни пасоши, односно сертификати за вакцинација и зависи од тоа дали српските граѓани ќе можат да влезат во Грција од 1 мај или 1 јуни – вели Василиос Е. Провелеџос, основач и претседател на граѓанската партија Грци на Србија и Здружението на грците на Србија.
Кога станува збор за условите што Грците ќе бараат странци да влезат на нивна територија надвор од ЕУ, тој вели дека тоа ќе биде или потврда за вакцинација или брз тест за антиген што невакцинираните ќе го направат на грчката граница.
-Сигурно е дека граѓаните на Велика Британија, како и на Израел, ќе можат да влезат во Грција од 1 мај, бидејќи Грција има потпишано билатерални договори за влез со овие земји и ги дефинира условите – објаснува соговорникот на српски Курир.
Кога станува збор за српските граѓани кои сакаат да заминат во Грција и се прашуваат кога ќе им биде дозволено, г. Василиос Е. Провелегиос вели дека сега топката е во дворот на Србија:
– Србија има голем број вакцинирани против коронавирус, имаме најмногу вакцинирани во овој дел на Европа. Датумот од кога граѓаните на Србија ќе можат да влезат во Грција зависи од преговорите меѓу Министерството за туризам и грчките надлежни органи.
Со оглед дека во Македонија се уште не е започнат процесот на масовна имунизација, нема јасни сигнали дали на нашите граѓани ќе им биде дозволен влез за летните одмори. Но анализирајќи ги погорните информации, најверојатно тоа би можело да се одвива со негативен ПЦР тест.
Сепак, останува во месеците пред нас, да видиме како ќе се одвива целата ситуација. Лани Македонците не беа во можност да одат на одмор во Грција, па така, приколките и апртманите кои ги поседуваат многу наши граѓани кај нашиот јужен сосед, останаа затворени.
