Пациентка излечена од коронавирусот ковид-19, која во средата ја напушти Клиниката за инфективни болести во Скопје по 17 дена лекување, за „360 степени“ сведочи за тоа како се заразила, какви мерки на заштита презела кон своето семејство, како се самоизолирала по враќањето во земјава, како ги развила симптомите, за лекувањето на клиниката.
„17 дена бев на хоспитализација на Инфективна, а класицифирана сум со полесни симптоми. Сите во семејството се добро благодарение на сите мерки кои ги превземавме“, раскажа пациентка за „360 степени“ која сакаше да остане анонимна.
„Во мојота ситуација се заразив кога бев на меѓународна конференција во европска земја на почетокот на март. Се согласивме на почитување на сите стрикни мерки, но сепак се заразив од еден од учесниците.“ – појасни пациентката.
Во меѓувреме жената внимавала на своето однсесување.
„Се вратив во посебна соба кога стигнав веднаш се самоизолирав, тоа беше првата среќна околност, а втората е дека ме ослободија од работа со цел самоизолација за сите кои се вратиле од ризични земји“
Пациентката раскажа дека по 5 дена од нејзината комуникација со човекот кој бил позитивен, а исто така бил учесник на конференцијата и се јавиле првите симптоми.
Исто така добиле и меил од настанот, дека учесник на конференцијата бил позитивен на Ковид 19.
„Покачена температура, отежнато дишење, почувствував дека ми се спушта на белите дробови“ – раскажа жената.
Таа вели дека најтешко и паднал психолошкиот притисок.
„Огромната грижа за луѓето, спасивте или загрозивте луѓе околу себе. Совесно однесување бидејќи позади мене нема никој инфициран ми помогна во текот на опоравањето да бидам со мирна совест. Тој психолошки момент“, раскажа пациентката.
„Навистина огромни пофалби до персоналот на Инфектовна. Немам зборови со каква грижа беа кон нас пациентите… Максимално беа со заштитна опрема. Тоа се така специфични услови, многу емотивни и стресни…“ растревожено се потсети пациентката.
Таа откри дека пневмонија неколку дена и го отежнувала дишењето.
„Немавме никаква меѓусебна комуникација со останатите пациенти. Неколку дена бев со пациентите со потешка клиничка слика, потоа ме префрлија.Ме третираа симптоматски, врз основа на тоа какви симптоми бидејќи за никаков вирус не постои лек“, раскажа пациентката.
Таа е негативна на последните два теста по што е пуштена на домашно лекување.
„Не треба да се развива паника и страв, туку најсовесно да се применуваат сите мерки од здравствените работници. Социјална дистанца, максимална хигиена на рацете и се што ќе се допрете до очите, носот и устата. Сакам да порачам седнување со беспрекорно чисти раце на јадење.“ – порача пациентката.
„Ќе ја искорениме оваа пандемија, секој поединец мора да биде многу совесен бидејќи еден неодговорен зад себе може да остави многу загрозени животи“ заклучи жената.
