Во текот на вчершаниот ден Габриела Рогужарова сподели видео и информираше за нејзиниот сосед Славчо Јованов од Велес:
Апелирам до сите граѓани и до институциите за помош! Се работи за Славчо Јованов од Велес. Дојде на врата,плачеше,моли за јадење…
Му било срам да каже,со денови не бил јаден…Комшија ми е,во иста зграда живееме..Досега,ова никогаш не се случило… Ве молам кој колку може да донира храна и средства за хигиена Споделувајте!!!!! Да бидеме луѓе!!!!!
Нејзиниот апел и објава наиде веднаш на помош, па Габриела Рогужарова сподели добри вести:
Браво за сите хумани луѓе кои се заинтересиравте да помогнете. Неможам да престигнам секому поединечно да вратам.
Ве известувам дека
Ние Станарите,Filip Ivanov од Евангелска Црква и Орце од Црвениот Крст веќе доставивме храна за неколку недели.
Секое носење на храна до неговиот дом од граѓаните за него е стрес.
Мислам дека е најдобро храната за него да ја доставите во Црвениот Крст или Евангелска Црква со назнака за Славчо,па да му се носи храната постепено,да не се прават премногу залихи,храната е со рокови…
За сега е тоа,во врска со трансакциска сметка треба прво да се консултирам со чичко Славе…И него многу информации наеднаш му дојдоа….(Паричните средства ќе бидат наменети за комуналии или за што ќе му треба)
Неможе да готви,така да храната за готвење ќе му ја готвиме ние. Го прашав дали му треба облека,рече не имал доволно…
За тоа слободно контактирајте не: Мене,Црвениот крст,и Евангелската црква. Уште еднаш, благодарам !
Со статус се огласи и Филип Иванов:
Пријатели, затоа што некои од вас сѐ уште ме означувате на постови и ми пишувате во врска со потресното видео со Славчо од Велес, кој буквално гладувал повеќе денови, сакам да ве известам дека 15 минути по објавувањето на видеото јас веќе бев таму, и му однесов пакет храна од црквата, доволна за наредниве неколку недели. Веднаш по мене пристигна и Orce од Црвениот Крст кој исто така донесе храна и други нешта.
Ние повторно ќе го посетиме и ќе му помогнеме со сѐ што е потребно, но тука апелирам и на институциите да се вклучат во работата на овој случај, зашто проблемот е многу посложен од недостаток на храна.
Доколку сакате да донирате средства, храна, хигиенски средства, и слични нешта за Славчо, можете да го направите тоа во Евангелска Црква или Црвен Крст од Велес. Или, едноставно, пишете ми порака.
Благодариме на сите, Господ да ве благослови!
