Хрватската престолнина утрото во 6:23 часот ја погоди силен земјотрес со јачина од 5,5 степени по Рихтер, најјак во последните 140 години.
Во критична состојба е 15-годишно девојче откако се урнала куќата во која живеела. Десетици граѓани на Загреб се повредени.
Во земјотресот се срушени неколку објекти, уништени возила, а исто така оштетена е дел од болницата Ребро, и болницата на улица Петрова.
-Земјотресот беше со јачина од 5,5 степени по Рихтер и е најсилен во последните 140 години, изјави премиерот Андреј Пленковиќ.
– Ги повикуваме сите граѓани да бидат внимателни. Препорачуваме сите да бидат излезени пред своите згради. Нема потреба од собирање на бензиски пумпи. Имавме контрадикторни пораки, прво останете дома, а потоа следеше земјотрес. Сеизмолозите ќе ви го кажат тоа што е дел од нивната струка во врска со земјотресите. Ќе ги интезивираме активностите за управување со оваа криза, како и кризата со коронавирусот.
Ангажирана е Армијата и сите служби на Градот Загреб за побрзо да бидат расчистени материјалните штети. Ќе се проверуваат зградите, бидејќи засега не се знае колку се оштетени, особено постарите градби, изјави Пленковиќ.
