Статус на отецот Димитар Арсовски
,,По автоматизам во секоја манџа како финален зачин се става и Црквата. Овој пат со барање за да не се одржуваат богослужби и да не се причестуваат верниците поради превентива од вирусот. Тоа е се убаво, покажува грижа и човекољубие, ама малку практично да погледнеме на вирусно-црковниот проблем.
Муабетите околу догмите, учењето и верувањето во „замислено пријателче“ ги тргаме настрана, да видиме во практика како стојат работите:
– Велат се собирале луѓе и тоа е доволна причина за да се „стави катанец“ на црковната порта. Ајде да ја споредиме френквентноста низ храмовите во споредба со кафулињата, кладилниците, казината, фабриките, конфекциите, бензинските… плус тука е пазарен ден, а луѓе колку сакаш и од каде сакаш.
Тоа никој не го спомнува, како тоа да не е собир на процентуално многу поголем број на луѓе, ама Црквата аууууу, врие од вируси, а на Литургиите едвај стотина луѓе кои се таму некаде околу час и половина преку сила(а за споредба еден работен ден трае 8 часа на гореспоменатите), плус посетата од случајни минувачи поради тоа што е работен ден е речиси иста како секој друг ден.
По автоматизам во секоја манџа како финален зачин се става и Црквата. Овој пат со барање за да не се одржуваат…
Публикувахте от Димитар Арсовски в Четвъртък, 12 март 2020 г.
Едноставно е, кој се плаши не мора да доаѓа, присуството на Литургијата е акт на слободна волја, ако сакаш доаѓаш, ако не не доаѓаш, не сечеме уши ние свештениците на тие што не сакаат на богослужба.
– За Светата тајна Причест и да се окозиме од зборување, ако ја прифатиме како Тело и Крв Христови ќе знаеме што треба да се прави и како да се пристапува, а ако ја доживуваме како христијанска измислица и како спој на лепче и винце нормално е дека ќе не фати страв и паника. Несоборлив факт е дека никој не умрел од Причеста, туку напротив има еден куп случаеви на излекување кое го нарекуваат чудо – чудо затоа што не може да се докаже научно како дошло до тоа, а сепак се случило…
– Идејата со на пластични лажички нема да ја коментирам, Причеста не е овошен јогурт!
Како Црква имаме зад нас повеќе од 2.000 годишна практика и искуство, слободно кој сака нека не исмева, научно нека докажува и нека побива, па и нека ги сподели резултаите од експериментот и опитот.
Како што викаат старите: „секое чудо за три дена“, така ќе е и со короната, за година до две ќе биде заменета со некој нов вирус или болест.
Р. Ѕ. Ние пред да почнеме со Литургија во Олтар секогаш ги миеме рацете”
