Со денови во Србија и регионот се зборува за приказните за празните пликоа на свадба, кои за жал се се почеста појава денес. Токму поради оваа приказна се јави 27-годишната Драгана С. од Србија и ја раскажа својата приказна.
Таа еднаш предала празен коверт на свадба.
– Кога запишав факултет во Белград не ми остануваа пари. Секогаш сметките, родендените, подароците ги планирав месеци однапред, а тогаш колега од факултет реши да се жени. Сакав да се извлечам, да не одам, но настојуваше. И сестра ми запиша факултет тогаш, беше мизерно. Не можев да им плачам на моите, а и ми беше срам да се позајмувам, вели Драгана.
Девојката додава дека сепак се решила да позајми пари од блиска другарка со која биле заедно на свадба, па таа носела плико, а другарката требала да понесе пари. Кога седнале во такси и тргнале кон хотелот, таа и рекла дека ги заборавила парите дома.
Со оглед на тоа дека пликото било потпишано, од тогаш вели пријателите не и се јавиле, иако сакала подоцна да им објасни и купи вистински подарок.
Исто така и Полска ја зафати економска криза и со тоа донесе нов тренд. Младите парови кои прават венчавка се почесто добиваат празни коверти на подарок наместо пари од роднини и пријатели.
Еден млад брачен пар од 30 коверти во кои требало да има пари од роднини и пријатели повикани на свадба, добиле осум празни, а во деветтото имало обична хартија исечена во големина на банкнота, за да на прв поглед не се види дека е измама.
Друг брачен пар направил свадба за 120 гости, а во половина од ковертите намало пари.
– Криза е. Многу луѓе немаат пари за таков подарок, каков што би требало да биде свадбениот, а се срамат за тоа да зборуваат затоа што досега имале пари, го објасни новиот феномен за денешното издание на „Жечпосполита“ професорот Мариуш Јенџејко.
