Хвар е хрватски остров во Јадранското Море. Зафаќа површина од 297 km2, население од 11.103 жители и главен град е Хвар со 4.138 жители.
Денешното име на островот е од грчко потекло (од грч. Pharos – светилник). Од тој назив Римјаните го обликувале името Pharia. Далматинските Романи го претвориле во Fara, а во раното средновековие доселените Хрвати согласката f ја замениле со група согласки hv, менувајќи го називот во Хвар.
Локалното население го нарекува “Hvor”, “For”, а книжевниот облик „Хвар“ се јавува на источниот дел на островот.
Хрватска се соочува со сериозен недостиг на доктори и медицински сестри , особено надвор од поголемите градови.
Во Сплитско – далматинската жупанија од 250 доктори , дури 100 ќе заминат во пензија во наредните неколку години. Недостигаат и медицински сестри , па докторите и стоматолозите во ординациите работат сами.
Младите доктори , пак не сакаат да работат во малите места , а уште помалку на островите како Вис или Ластово.
Во местото Суќурај на Хвар е постојано отворен конкурсот за доктор , кој би требало да се грижи за 300 пациенти. Покрај платата , на идниот доктор му се нуди и стан и бонус од 7 000 евра, но никој не се јавува на конкурсот.
Затоа , тројца доктори од Јелса секојдневно се менуваат на дежурство во амбулантата во Суќурај.
