Оваа ноќ сеуште ќе провејува слаб локален снег додека утре рано наутро и претпладнето облачноста ќе започне да се намалува, информира метеорологот Славчо Попоски.
Ќе биде многу студено со минимални температури кој ќе се спуштаат во интервалот од -10 до -2 степени додека на планинските места истите ќе се спуштаат и под -10 степени, студен но претежно сончев ќе биде утрешниот ден со мала облачност додека максимумот на температурите ќе се искачува во интервал од -2 до 7 степени.
Исто така многу студено утро очекуваме и во четврток со минимални температури од -10 до -1 додека повторно на планинските места истите е можно да се спуштат под -10 степени.
Утре времето ќе биде променливо облачно со слаби локални врнежи од дожд и снег, а наместа и услови за замрзнат дожд особено во северозападниот дел од земјава. По котлините ќе има услови за појава на слаба магла.
Од сабота дневните температури ќе бидат во пораст – сабота од 4 до 11, недела од 6 до 13 степени.
