Најстарата жена во Боливија, а веројатно и во светот, вчера со песна го прослави 118 роденден.
Хулија Флорес е родена во 1900 година. Позната е како „мама Хулија“, а роденденот го прослави во присуство на членови од семејството и пријателите. Во земја каде просечниот животен век е 71 година, Хулија е исклучок од ова.
Кога нејзината возраст ќе биде и службено признаена, таа ќе биде најстарата личност во светот и трета на сите времиња.
Таа не е единствената што има доживеано длабока старост во Боливија. Кармело Флорес, кој не е во роднински врски со Хулија, имал 123 години кога починал, но возраста не била официјално признаена.
