За повеќето невести, ноќта пред венчавањето е исполнета со возбуда, нервоза и со исчекување на големиот настан. Таков беше случајот и кај Кеси од Мелбурн, сѐ додека не добила серија шокантни пораки од непознат број. Не само што пораките ѝ ја уништиле венчавката, туку ѝ го свртеле целиот свет наопаку.

Несреќната девојка за порталот „Whimn“ ја раскажала својата приказна, и за тоа како му се одмаздила на неверниот свршеник.

Наздравувајќи со шампањско со своите деверуши, неколку часа пред венчавката, на нејзиниот телефон стасала порака која ги зачудила сите околу неа. Непозната личност ја прашала Кеси: „Јас не би се омажила за него. Сакаш ли ти?“ Потоа следеле пораки кои јасно покажале дека нејзиниот сакан води интимни разговори со друга жена.

“Овој викенд. Ти и јас. Ќе биде жешко“, одговорил на пораката свршеникот на Кеси, Алекс. „Имаш неверојатно тело. Кога барем мојата девојка би имала половина од она што го имаш ти“, била следната порака од Алекс. На непознатата жена, тој ѝ признал дека до тогаш, не бил толку поврзан со ниту една друга жена.

Шокирана и скршена, Кеси смислила план за одмазда. Решила фарсата да ја заврши на спектакуларен начин, во црква.

Кога стасала до олтарот, Кеси го извадила телефонот и пред сите гости ги прочитала пораките кои љубовницата на Алекс ѝ ги препратила. Читајќи го секој детаљ, таа пред сите присутни го понижила свршеникот.

Алекс потоа истрчал од црквата со својот кум, а Кеси одржала завршен збор. „Денеска нема да има венчавка, но место тоа ќе ја славиме искреноста, пронаоѓањето на вистинската љубов и слушањето на своето срце и кога боли“, рекла Кеси пред гостите. Забавата, пишува порталот од Австралија, траела до рано наутро.

The post На денот на венчавката дознала дека ја изневерува, па му направила болна одмазда appeared first on Галама.

Џејмс Рајан имал успешна кариера како банкар, но се откажал од неа за да ѝ се посвети на работата во која ужива, односно да биде жиголо. Идејата ја добил од повеќе девојки, кои и самите тие се занимаваат со ескорт па денес на жените за дружење им наплаќа од 400 до 6.000 долари за вечер.

31 годишниот Џејмс од Сиднеј со оваа работа се занимава веќе 6 години, а во емисијата “This Morning”, во која гостуваше пред да биде објавена неговата автобиографија, открил дека најтешко му било да признае со што се занимава.

“На пријателите веднаш им соопштив, додека моите родители на почетокот не знаеја ништо”, рекол Рајан.

Кога конечно се одлучил да им каже, тие имале измешани чувства и не знаеле како да реагираат.

“Кон мене не се однесуваат поразлично. Тоа не е работа која родителите би ја избрале за своето дете, но го прифатија тоа”, вели тој.

Исто така открил дека помеѓу неговите јавни услуги како најпопуларна опција е “луксузен љубовен состанок”. Станува збор за вечера во ресторан, па потоа со клиентката се повлекуваат во хотел каде ѝ приредува интимна забава. Таму поминуваат 6 часа, а доколку сака да ја помине целата ноќ со него ќе треба да доплати повеќе пари.

“Мажите секогаш се повеќе фокусирани на секс, но жените сакаат и друштвен елемент. Поголемиот дел од моите клиентки лесно би можеле да заведат некој во барот, но тие сакаат посебно искуство. Некогаш станува збор за штотуку разведени жени, некогаш се жени кои сè уште се омажени, но во нивниот брак нема секс, некогаш станува збор за парови кои сакаат секс во тројка, а некогаш тоа се девици”, раскажа тој за Дејли Меил.

Извор: Супермен

The post Своевремено Рајан беше успешен банкар – сега жените му плаќат 6000 долари за една вечер со него appeared first on Галама.

Откако се заљубил во 28 години помлада девојка, ќерка на својот пријател, и се венчал со неа, возачот на автобус, Енди, рекол дека во родниот град го етикетирале како педофил, поради што биле приморани да се отселат од својот дом во Северен Велс.

-Енди (47) и Бет Телфорд (19) се венчале пред три години, кога Бет имала само 16 години, пренесува „Mirror“.

Се запознале преку мајката на Бет, а врската ја започнале кога таа била сè уште малолетна. Меѓутоа, кога селаните дознале за врската, во нивниот живот се случил пресврт. Бет после тоа се оддалечила од својатата мајка, која не ја одобрувала нивната врска и љубов.

Енди се присетил на насилството кое го трпел, откако веста за нивната врска излегла на површина и времето кога на автобусот му било напишано „педофил“.

„Тоа беа навистина мрачни денови. Се чувствував како да сум некој вид животно, бидејќи излегував со помлада девојка“, рекол тој.

Тие имале мала свадбена церемонија во северен Велс, а сега живеат со своите два сина, околу 270 километри оддалечени, во Ланкашир.

Бет рекла дека 28-годишната разлика никогаш не ѝ пречела.

„Секогаш сакав да основам семејство и затоа мислев дека Енди би бил совршен маж за тоа“, рекла Бет и додала дека сопругот не го гледа како татко или старец.

Тие сега се вратиле во родниот крај во Велс на семеен одмор, но сакаат да се вратат засекогаш.

„Живеев во Велс 40 години, мојата мајка беше таму, мојата баба исто така. Многу е тешко и ништо не може да биде лесно кога не си таму каде што си пораснал и каде што се твоите сеќавања и семејство. Тоа ме убива постојано. Не сакам да постапуваат лошо со мене… ние сме Бет и Енди, зарем не?“, рекол Енди, кој тврди дека нивниот брак е подеднакво добар како што бил пред три години.

The post Се венчал со малолетничка помлада 28 години од него, па му следело пекол: Се чувствував како животно appeared first on Галама.

Mлада девојка од Белград, останала бремена од своето момче, па одлучиле да направат свадба, а потоа следува нејзиниот пекол. Ова е исповедта на  извесна Нина А.

„Мојата свадба од страна на мојот (поранешен) сопруг почна да го губи компасот од самиот почеток, од местото каде да се прослави свадбата…од ресторан за 30 гости, каде ќе бидат нашите семејства, кумови и блиски пријатели, дојдовме до сала за 150 луѓе!

Локација Ада Циганлија, во близина на црквата, блиску за повеќето гости од Белград. Ќе почнам од договорот помеѓу мене и мојот сопруг дека се договоривме гостите да донесат пари во плик, колку што се во можност, да се вметне пликот во кутија, која се наоѓаше пред нашата маса.

На нашата маса, до невестата седи кумата, а до младоженецот седи кумот. Свадбата беше на самиот почеток, го чекавме матичарот. Во меѓувреме, сопругот ми кажува дека на нашата маса ќе седнат неговиот брат и неговата девојка, а дојде поранешната девојка на кумот. Па каде да застанат сите?

Значи кумот и поранешната во центарот, и јас, која сум невеста, на крајот! Девојката на брат му облечена во бело, а нели само невестата треба да е во бело, колку невкусно.. Јас тогаш бев во 4-тиот месец од бременоста, стоев таму и ги испраќав гостите бремена, а мојот сопруг отиде итно до тоалет и никогаш не се врати. Кога видов дека ги брои парите, не ми беше добро.

Кога погледнав на масата – како во затвор – пликовите се кинат, има две жени, од кои едната е мојата свекрва, која брои пари! СВЕКРВАТА ГИ БРОИ ПАРИТЕ НА МЛАДИТЕ! На што личи тоа?! Го гледам и си мислам ајде пијан е, не знае што прави бидејќи пиеше. Наскоро се приближив до масата на мојот сопруг и свекрва, а менаџерката ми кажа: „Добро е, ви благодарам”.

Ја прашувам жената што е во ред? Таа вели дека свадбата е исплатена. (Пред свадбата беа дадени однапред само 500 eвра, остатокот од исплатата требаше да биде по свадбата). Прашувам како ја плативте свадбата, тој ми вели – па со парите од свадбата. Парите од свадбата девојки, подароците од гостите, младоженецот ги брои со неговата мајка! Каде и кога сте слушнале вакво нешто?!

Јас само промрморев толку ужасно: „Не можам да поверувам”, се свртев и отидов на другата страна од салата со мојот пријател. Првата брачна ноќ ја поминав во плачење. Келнерите им ја спакуваа тортата од свадбата да си ја однесат дома. Јас повторно бев во шок, зедоа се што можеа.

Првата брачна ноќ ја преплакав и знаев дека денес го запознав мојот сопруг во вистинско светло. Ако го знаев тоа пред свадбата, никогаш немаше да се омажам за него. Глумата е чудо луѓе, но маските секогаш паѓаат! Колку пари добивме тогаш не дознав никогаш! Проблемите во бракот започнаа од првиот ден по свадбата. Мојот сопруг ме оставаше сама, одеше кај мајка му и неговото друштво. Психички, бев сè повеќе и повеќе убиена секој ден.

Тој ме исфрли со мало бебе. Не сакал таков живот, како во кафез … Потоа излегуваше и се враќаше доцна во ноќта, а јас бев сама со мало бебе. Еднаш претера и не исфрли со синчето од станот од 30 метри квадратни, во кој живеевме како кираџии. Го пријавив во полиција, и од таа ноќ започна едно психолошко насилство.

Додека го пишував ова се вратив назад во тоа време и навистина се вознемирив, но добро е да слушнат сите, за младите девојки да не се залетуваат.

Не е се во парите, но сметките не се плаќаат со љубов. И не е нормално 30-годишен човек да ја слуша неговата мајка што му кажува, и секогаш да бега кај мајка си ?!  Мојата приказна е таква – се омажив од љубов и се беше за никаде.. И денес сум самохрана мајка, која е во шок поради вистинското лице на нејзиниот поранешен сопруг. Чекам конечна одлука за развод од судот.“

The post Бремена невеста Нина пред развод: Наместо со мене, парите ги броеше со мајка му appeared first on Галама.

Не може да се опише страшното чувство за еден маж, кога тоа ќе му се случи. Веднаш виновникот се бара кај жената, бидејќи таа „нешто рекла“, „нешто направила“ за да му ја „убие“ машкоста. Истовремено, кај жената проработува црвот на сомнежот дека сопругот ја изневерува и дека постоењето на љубовницата е најверојатната причина за проблемот во креветот.

„Иако зад себе имал еден пропаднат брак, верувал дека овој со сегашната сопруга ќе биде успешен и ќе трае до крајот на животот. Слушал гласини дека и овој брак ќе му пропадне исто како и првиот, но не обраќал многу внимание на нив.

Веќе после првите неколку месеци заеднички живот со втората сопруга, започнале проблемите. Љубовта која ги споила преку ноќ се претворила во пепел и прав. Наместо хармонија и меѓусебно разбирање на кое се заколнале, во куќата завладеал хаос.

Се карале и за најмала ситница, почнале да се навредуваат со погрдни зборови, па дури тоа го правеле и пред гости. Дури уште повеќе имале потреба да се оцрнуваат еден со друг кога биле присутни луѓе со нив.

По некое време откако бурата се стишала, мажот помислил дека тоа е одлична пригода да ги смири односите со сопругата и да бидат интимни со нежност и љубов. Меѓутоа шокот бил страшно болен кога сфатил дека тој е немоќен. Тогаш започнал да ја обвинува сопругата дека тоа е нејзина вина, а таа него го обвинила дека за тоа е затоа што сигурно е вљубен во друга.

И така кавгата продолжила, а некогашните планови да ја доградат куќата и да родат деца – пропаднала. Истовремено со влошување на меѓусебните односи, започнало да се влошува и нивното здравје. Лекарските наоди покажувале дека двајцата се здрави, но ниеден од нив не се чувствувал добро.

Пателе од главоболки, мачнини, гушење и болки кои наизменично „шетале“ по телото. Дури некогаш истовремено добивале болки кои траеле по неколку часови. Тогаш мажот за првпат одлучил да побара помош од исцелител“ – раскажува А.Х.

Од исцелителот дознале дека бившата жена им ја заклучила среќата со седум катанци кои биле фрлени преку река, што било дополнително отежнато за растурање на магијата. Сепак, после два месеци разно-разни ритуали и 40 дена молитви, во нивниот дом повторно заблескала хармонија и речиси изгаснатиот пламен, повторно бил разгорен.

The post Исповед: Со седум катанци му се заклучува машкоста за да пропадне бракот appeared first on Галама.

Мојата сопруга е незадоволна од бракот. Ова го знам веќе подолго време, не е од вчера. Порано се сомневав дека има некој швалер, дека е заљубена во друг… еднаш ја следев. И го проверував мобилниот, секогаш кога се бањаше и влегував во Фејсбук профилот, ги читав сите пораки, со кого зборела, каде вртела…

Ама по некое време дигнав раце. Ако навистина има некој швалер, тогаш многу добро го крие, немам друг одговор за тоа. После само се сомневав дека е незадоволна, дека јас некако не ја задоволувам во постела, па после си реков дека џабе се оптеретувам, истиот сум си, ништо не се сменило.

После почнав да ја правдам дека поминува низ некоја фаза и дека ќе и помине, дека можеби влегува во менопауза а има нешто со хормоните, што знам, не се разбирам многу во тие работи.

Излегуваме кога можеме и во времето кога се сомневав дека е незадоволна, се трудев колку што можам повеќе да ја расположам и да ја усреќам. Дури почнав да користам и некои стимуланси. Ама џабе. Таа е мртва ладна, незаинтересирана.

Ќе дојде од работа, ќе се собереме со децата, ќе ручаме и после си легнува да отспие малку. Ќе стане, ќе појде до некоја комшивка на кафе или ќе гледа некоја серија. Вечерта ќе направи ручек за следниот ден или нема, ќе јадеме некои прженици или кој како ќе се снајде (не и префрлам никогаш), ќе се избања и ќе си легне.

Со мене едвај прави муабет, со децата не е премногу блиска ама се грижи за нив. Сега кога сум сигурен дека не е до мене, туку до неа, веќе не се трудам.

Ќе оставам работите да си течат по својот тек, па што сака нека биде. ја сакам, ама нема да бидам роб на нејзиното незадоволно секојдневие. Според она што ми го префрлаше со години наназад, заклучив дека е незадоволна бидејќи имала премногу очекувања.

Веројатно сакала многу да патува, да купува нови алишта, штикли, чанти, што знам, да се забавува. Дури, после толку години брак, сега се прашувам дали таа мене воопшто ме сакала некогаш?

Кога се зедовме имав повеќе пари бидејќи платата ми беше многу висока. Компанијата пропадна и мојата кариера, ама јас пак се снајдов, пак работам и добро заработувам. Можеби немам пари за луксуз, ама за пристоен живот секако!

Ова го пишувам зошто имав потреба да ги упатам идните брачни партнери, добро да се преиспитаат пред да влезат во брачните води и да основаат семејство.

The post Мојата сопруга е незадоволна од бракот, ама изгледа неа само парите ја интересирале appeared first on Галама.

Актерката и манекенка Рози Мек, позната и како дублерка на Калиси од серијата “Game of Thrones”, забременила од пејачот Џош Брекс за кој се венчала по само девет дена познавање. Пред тоа, таа била девица и се држела до својот план да биде во целибат.

“Знам дека е лудо. Никогаш не верував во љубов на прв поглед, мислев дека ќе морам да се согласам на компромис. Тогаш запознавате некого и едноставно знаете”, раскажала Рози.

Со Џош Брекс, актерката била во контакт преку Фејсбук, а се сретнале прв пат кога заедно снимале песна за истата издавачка куќа.

“Имавме неколку заеднички пријатели, па одлучивме да се сретнеме на “Hollywood Bowl”. Веднаш имав чувство како да се знаеме со години. Можев да видам дека е морален и дека има добри семејни вредности. Мојот инстинкт говореше дека тој би бил добар сопруг”, додала Мек.

Како што вели таа, тие започнале да зборуваат за брак по третиот ден од познанството, а потоа отишле во матично и се венчале пред мексички пастор.

The post Била девица, запознала момче, се венчала и затруднела за 9 дена appeared first on Галама.

Ако сте во среќна врска, сигурно тешко ви паѓа самата помисла дека партнерот можеби ве изневерува. Според експертите за врски, има низа суптилни знаци што може да ви откријат дали вашите сомнежи за неверство се оправдани.

Првиот од многуте знаци е претераното внимание на партнерот кон вас. Многу истражувања покажуваат дека однесувањето на партнерот кој изневерува се менува на подобро. Ќе почне одеднаш да ви удоволува во секој поглед. Тоа се случува од две причини – го гризе совеста за неверството и сака на тој начин да се „искупи“ и исто така е екстра внимателен за да не се посомневате дека прави нешто на страна.

Многу важен знак е „продолжувањето“ на работното време. Ако дотогаш фиксното работно време одеднаш почне да се продолжува, а работните викенди се сѐ почести, можеби е време да се прашате дали е тој единствениот кој работи прекувремено во фирмата.

Социјалните мрежи станаа голем дел од нашите животи и нашето однесување онлајн исто така до одредена мера е одлика за нас. Ако на објавите на вашиот партнер одеднаш зачестат „лајкови“ и коментари од конкретна личност, постои голема веројатност дека има интензивна комуникација со неа, макар и само како онлајн флерт.

Ако забележите дека вашиот партнер го поминува поголемиот дел од времето кога е со вас зјапајќи во телефонот или ако излегува во друга просторија за да разговара, тоа се исто така знаци на потенцијално неверство.

Ако партнерот постојано ви префрла и ве обвинува за неверство, тоа е еден од најјасните знаци дека чувствува грижа на совест и сака на вас да ја префрли вината за раскинувањето. Или пак, сака и вас да ве доведе до неверство за да бидете „изедначени“.

Секако, сите овие ситуации може да имаат и логично објаснување и не мора да значи дека се знаци за неверство. Пред да станете параноични, сетете се дека комуникацијата е клучна во една врска, па побарајте одговори од вашиот партнер.

The post Доколку вашиот партнер ги прави овие знаци, тоа се први симптоми на неверство appeared first on Галама.

Познато е дека неверството е нешто што се почесто се случува во денешно време. Под влијание на тоа се почесто се изнесуваат проблемите по пат на медиумите. На тој начин се ослободуваат од притисок, а воедно добиваат и корисни совети од луѓето кои имале слични искуства.

Во морето разни исповеди, приказната на еден анонимен нмаж силно не заинтригира и во неа многумина веројатно ќе се пронајдат, пишува Мирор. А еве и за што се работи:

„Мојата сопруга и јас и нашите деца заминавме на одмор со мојот најдобар пријател и неговата сопруга кои имаат деца на иста возраст како моите“, ја започнува својата приказна, мажот кој сакаше да остане анонимен.

„Бевме сместени во вила во Шпанија и последниот ден одлучивме да го посетиме водениот парк. Во последен момент сопругата ми кажа дека се чувствува лоши и одлучи да остане во вилата.

Мојот најдобар пријател пак, беше спречен да тргне со нас, поради важен повик од работа.

Кога стигнавме сфатив дека сум ги заборавил влезниците за паркот за својата најмлада ќерка и наместо да платам нова, се вратив во вилата по таа. Кога пристигнав таму, слушнав бука од нашата спална соба и ја видов својата сопруга и мојот најдобар пријател во кревет заедно.

Се чувствував затечено и ужасно. Го познавам својот најдобар пријател веќе 30 години, а мојата сопруга и јас сме заедно повеќе од 10 години, а ова што ми го направија не би го посакал никому.

Кога се вратив назад во водениот парк, сето тоа што го видов го пренесов на неговата сопруга, која речиси се срушу пред своите деца и почна да плаче. Тоа е нешто поради што најмногу се каам, не требаше да и кажам.

Сите моравме заедно да се вратиме дома, и тоа беше најтешкиот ден во мојот живот. Сега кога сме конечно дома, мојата сопруга истакна дека се кае, и дека тоа се случило само двапати, што е најголема грешка.

Таа вели дека се чувствувала запоставено, со оглед на тоа дека јас многу работам, но тоа е нешто неизбежно за на своите деца да им овозможам убав живот.

Децата сепак се најважни. Не знам што да правам“, ја заврши својата исповед мажот кој се чувствува ужасно и кому му е потребна помош.

The post Ја фатив жената со мојот прв другар во креветот, а потоа направив нешто поради што се каам appeared first on Галама.

Маж од Перу се развел од својата жена затоа што ја видел во интимни пози на Google Maps со друг маж.

Тој преку мапите истражувал како најлесно да дојде до популарниот мост во Лима, кога на една од фотографиите забележал жена која му изгледала познато.Женската личност носела бела блуза, фармерки и штикли, а седела на клупата додека маж лежи покрај неа, ставајќи ја својата глава на нејзините нозе.

Изневерениот маж сфатил дека тоа е облеката која ја има неговата жена, а кога доближил повеќе, се испоставило дека тоа навистина е неговата сопруга.
Фотографиите се направени со камерите на Google Maps во Лима во 2013. година, пренесува Дејли мејл.

Мажот се соочил со својата сопруга, а таа му признала дека имала афера. Неименуваниот пар, како што пренесуваат локалните медиуми, набргу се развел.
Човекот ги споделил фотографиите на социјалните мрежи, а неговит епријатели коментирале дека целиот свет е „многу мал“. Го критикувале и него и неговата жена што не била искрена кон него.

Камерите на Google Maps забележале ситуации на бројни локации ширум светот, а снимаат и автомобили, велосипеди, мотори и слично.Ова довело до различни забавни и бизарни моменти, па така снимен е секс во автомобил, грабеж во Јужна Африка и слично.

The post Кога „Гугл мапс“ ќе ти го растури бракот appeared first on Галама.